Дар Кӯлоб корҳо дар самти рафъи оқибатҳои офати табиӣ идома доранд
ДУШАНБЕ, 19.05.2021 /АМИТ «Ховар»/. Дар Кӯлоб корҳо дар самти рафъи оқибатҳои фалокати табиӣ идома доранд, хабар медиҳад Кумитаи ҳолатҳои фавқулода ва мудофиаи гражданӣ дар назди Ҳукумати Ҷумҳурии Тоҷикистон.
То 18 май корҳои бартарафсозии оқибати фалокат дар кӯчаҳои Содиқов, Хати Роҳ, Корвонгузар, Нонбойии Поён, Суғдиён, Чармгарони Поён ва Нурафшони Кӯлоб сурат гирифтаанд.
Дар корҳои барқарорсозӣ хизматчиёни ҳарбӣ, наҷотдиҳандагони Кумитаи ҳолатҳои фавқулода ва мудофиаи гражданӣ, хизматчиёни ҳарбии Вазорати мудофиа, Вазорати корҳои дохилӣ иштирок намуда, техникаи махсус ҷалб карда шудааст.
Бо мақсади риояи меъёрҳои беҳдоштӣ — эпидемиологӣ дар хонаҳои истиқоматӣ, ҳавлиҳо ва кӯчаҳо ҳар рӯз корҳои безараргардонӣ гузаронида мешаванд.
Аҳолии зарардида рӯзе се маротиба бо хӯроки гарм таъмин карда мешавад, бунгоҳи тиббӣ низ фаъол аст.
Барои ҳамоҳанг сохтани фаъолияти муштараки вазорату идораҳо ва расонидани кумак ба аҳолии зарардида Ситоди таъҷилии ҷумҳуриявӣ оид ба рафъи оқибатҳои фалокати табиӣ ба таври шабонарӯзӣ кор мекунад.
Нимаи аввали ҳар рӯз шаҳрвандон пазируфта ва натиҷаҳо дар маҷлис ҷамъбаст карда мешаванд.
Ҳафтае ду маротиба ҷаласаи Ситоди ҷумҳуриявии таъҷилӣ бо иштироки роҳбарони сохторҳои қудратӣ, мақомоти ҳифзи ҳуқуқ, намояндагони мақомоти иҷроияи ҳокимияти давлатӣ баргузор мешавад.
АКСҲО аз Кумитаи ҳолатҳои фавқулода ва мудофиаи гражданӣ дар назди Ҳукумати ҶТ
Дар Душанбе Донишгоҳи байналмилалии минтақавии тандурустӣ таъсис дода мешавад
ҲИЗБИ ХАЛҚИИ ДЕМОКРАТИИ ТОҶИКИСТОН — ҲАМҚАДАМИ ИСТИҚЛОЛ. Бо чунин унвон дар ноҳияи Фирдавсӣ барномаи фарҳангӣ доир шуд
Ба ноҳияҳои Тоҷикистон 18 нақлиёти ёрии таъҷилӣ тақдим гардид
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
