Дар Москва ҷаласаи Гурӯҳи корӣ оид ба Афғонистон дар назди Шӯрои вазирони корҳои ҳориҷии СААД таҳти раёсати Вафо Ниятбекзода баргузор шуд
ДУШАНБЕ, 26.05.2021 /АМИТ «Ховар»/. 25 май дар Котиботи СААД дар Москва таҳти раёсати Роҳбари Гурӯҳи корӣ, Ҳамоҳангсози миллии Ҷумҳурии Тоҷикистон оид ба Афғонистон Вафо Ниятбекзода, бо иштироки муовини дабири кулли СААД Самат Ордабоев ҷаласаи 33-юми Гурӯҳи корӣ оид ба Афғонистон (ГКА) дар назди Шӯрои вазирони (ШВКХ) -и СААД баргузор шуд.
Дар ҷаласа инчунин намояндагони Маркази зиддитеррористии (МЗТ) ИДМ ва Сохтори минтақавии зиддитеррористии (СМЗТ) СҲШ ширкат варзиданд. Муовини дабири кулли Созмон Самат Ордабоев зикр намуд, ки Афғонистон чун пештара қаламраве боқӣ мемонад, ки аз он таҳдидҳои ҷиддӣ ба амнияти кишварҳои узви СААД сар мезананд, алахусус дар партави хуруҷи эҳтимолии қитъаҳои низомии хориҷӣ аз ҶИА.
Бо ҳамин сабаб, талабот нисбат ба фаъолияти Гурӯҳи корӣ оид ба Афғонистон дар назди ШВКХ -и СААД ва ҳамкории кишварҳои узви СААД дар самти Афғонистон ба таври назаррас афзоиш меёбад. Самат Ордабоев инчунин иттилоъ дод, ки хатарҳои Афғонистон дар ҷаласаҳои ахири Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амнияти Созмон дар Душанбе ба таври муфассал баррасӣ шуданд.
Дар фарҷоми ҷаласа натиҷаҳои фаъолияти Гурӯҳ дар шашмоҳаи якуми соли 2021 ҷамъбаст карда шуданд ва Нақшаи кории ГКА барои нимаи дуюми соли 2021 қабул карда шуд.
ДАР АКС: иштирокчиёни ҷаласаи Гурӯҳи корӣ оид ба Афғонистон дар назди ШВКХ СААД дар Душанбе дар соли 2019. Аксҳо аз бойгонии АМИТ «Ховар»
Cафири Тоҷикистон бо Вазири нафти Кувайт вохӯрӣ намуд
Тоҷикистон фарҳанги миллии худро дар чорабинии байналмилалӣ бахшида ба Рӯзи СММ дар Ашхобод муаррифӣ намуд
Дар Ашхобод дурнамои рушди ҳамкории Тоҷикистону Туркманистон дар соҳаи нафту газ баррасӣ гардид
Сафири Тоҷикистон дар Амороти Муттаҳидаи Араб дар брифинги оид ба раванди омодагӣ ба Конфронси оби СММ-2026 иштирок намуд
ИМРӮЗ — РӮЗИ СОЗМОНИ МИЛАЛИ МУТТАҲИД. Тоҷикистон дар 34 соли ҳамкорӣ ташаббусҳои муҳимро ба манфиати кишварҳои минтақа ва ҷаҳон амалӣ намудааст
Ҳайати тиҷоратии Олмон барои густариши ҳамкорӣ ба шаҳри Душанбе меояд
Дар Батуми мулоқоти вазирони корҳои хориҷии давлатҳои Осиёи Марказӣ ва Гурҷистон баргузор гардид
Сафири Тоҷикистон бо Мудири кулли Мақомоти федералии андози Амороти Муттаҳидаи Араб мулоқот намуд
Вазири корҳои хориҷии Тоҷикистон бо Сарвазири Гурҷистон вохӯрӣ намуд
Сироҷиддин Муҳриддин бо муовини Сарвазир, Вазири корҳои хориҷии Гурҷистон мулоқот намуд
Ҳамкории Тоҷикистон бо Бонки ҷаҳонӣ баррасӣ гардид
Дар Берлин нахустин Маркази инноватсионии зеҳни сунъӣ дар Осиёи Марказӣ бо дастгирии NVIDIA муаррифӣ гардид
