Дар назди Хадамоти зиддиинҳисорӣ Гурӯҳи корӣ вобаста ба таҷдиди назар намудани тарифи неруи барқ таъсис дода шуд

Май 7, 2021 13:43

ДУШАНБЕ, 07.05.2021 /АМИТ «Ховар»/. Гурӯҳи корӣ вобаста ба таҷдиди нархи неруи барқ аз ҳисоби кормандони салоҳиятдори вазорату идораҳои дахлдор дар назди Хадамоти зиддиинҳисории назди Ҳукумати Ҷумҳурии Тоҷикистон таъсис дода шуд.

Тавре Хадамоти мазкур хабар медиҳад, гурӯҳи корӣ тибқи супориши Сарвазири Ҷумҳурии Тоҷикистон оид ба дархости Вазорати энергетика ва захираҳои оби Ҷумҳурии Тоҷикистон таъсис дода шудааст.

Чанде қабл ҷаласаи гурӯҳи корӣ дар Хадамоти зиддиинҳисорӣ баргузор гардид, ки дар он вобаста ба масъалаҳои матраҳгардида намояндагони вазорату идораҳои дахлдор фикру хулосаҳои худро пешниҳод намуданд.

Дар ҷаласа ба хулосае омаданд, ки бинобар сабаби пеш омадани зарурат ба дастрасии маълумот аз ҷониби ШСХК «Барқи Тоҷик» минбаъд ҷаласаи мазкур дар худи ширкат гузаронида шавад.

Аз рафти баргузории ҷаласа дар сомонаи Хадамот иловатан маълумот пешниҳод мегардад.

Ёдовар мешавем, ки 22 июни соли 2019 Ҳукумати Ҷумҳурии Тоҷикистон дар бораи баланд бардоштани нархи неруи барқ қарор қабул кард.

Арзиши қувваи барқ тақрибан 17 % боло рафт. Дар ҳоли ҳозир аҳолии Тоҷикистон барои ҳар як киловатт неруи барқ 22,66 (1,98 сент) дирам ба ҷои 19,37 (1,87 сент) пардохт менамоянд. Ҳамин хел нархро истеъмолкунандагони соҳаи буҷетӣ, соҳаи коммуналӣ ва маҷмааҳои варзишӣ пардохт мекунанд.

Дар давоми солҳои 2010-2019 нархи неруи барқ барои аҳолии кишвар 2,5 маротиба афзоиш ёфт: аз 9 дирам аз моҳи январи соли 2010 то 22,66 дирам аз моҳи сентябри соли 2019.

Тибқи таҳлили муқоисавии АМИТ «Ховар», соли 2019 (ниг. «Тоҷикистон аз рӯи арзонии неруи барқ дар ҷаҳон ҷои дуюмро ишғол мекунад, АМИТ «Ховар», 10.10.2019), нархи барқ дар Тоҷикистон дар байни кишварҳои ИДМ, инчунин дар ҷаҳон аз ҳама арзонтарин аст.

Май 7, 2021 13:43

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид