Дар ноҳияи Абдураҳмони Ҷомӣ сохтмони манзилҳои истиқоматӣ барои оилаҳои зарардида бомаром идома дорад
ДУШАНБЕ, 17.05.2021 /АМИТ «Ховар»/. Дар деҳаҳои «Навобод» — 4 ва «Навобод» -5-и Ҷамоати деҳоти Ифтихори ноҳияи Абдураҳмони Ҷомӣ сохтмони манзилҳои нав барои оилаҳое, ки 7-8 майи соли равон бар асари офати табиӣ зарар диданд, бомаром идома доранд. Лоиҳаи манзилҳои истиқоматӣ дар мавзеи нав таҳия гардида, сохтмони таҳкурсии биноҳо оғоз гардидааст.
Тавре муовини раиси ноҳияи Абдураҳмони Ҷомӣ Абдухолиқ Мусозода ба хабарнигори АМИТ «Ховар» хабар дод, бо кумак ва дастгирии Пешвои миллат муҳтарам Эмомалӣ Раҳмон ба оилаҳои зарардидаи мавзеи мазкур масолеҳи сохтмонӣ дастрас гардид.
«Дирӯз аз ҷониби мақомоти иҷроияи ҳокимияти давлатии ноҳияи Абдураҳмони Ҷомӣ ба оилаҳои зарардида 20 адад зарфҳои обгирии ғунҷоишашон 500 литра кумак карда шуд. Ҳамчунин барои пухтани нон 20 дона танӯр ба ҳар як оила дастрас ва насб карда шуд.Ҳатто дар рӯзи иди Саиди Фитр сокинони ноҳия ҷихати кумак ба оилаҳои зарардида ба ҳашари дастҷамьона баромаданд»,- афзуд Абдухолиқ Мусозода.
Ёдовар мешавем, ки бар асари бориши пай дар пайи 7-8 майи соли равон ва омадани сел дар деҳаҳои Навобод 4 ва Навобод 5-и деҳоти Ифтихори ноҳияи Абдураҳмони Ҷомӣ 19 манзили истиқоматӣ пурра хароб гардида, қариб 100 гектар замини кишоварзӣ фурӯ рафт ва 10 манзили истиқоматии дигар дар ҳолати хатарнок қарор дошт.
Дар доираи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ситоди ҷумҳуриявӣ ташкил карда шуда, сокинони зарардида ба ҷойҳои бехавф кӯчонида шуданд.
Ҳамаи сокинони деҳаи зарардида (167 хонавода) ба минтақаҳои бехатар кӯчонида шуда, барои оилаҳое, ки хонаҳояшон пурра хароб гардидаанд, 30 хайма омода карда шуд.
Дар ҷои ҳодиса мошинҳои ёрии таъҷилӣ, наҷотдиҳандагон ва хизматчиёни Кумитаи ҳолатҳои фавқулода, мутахассисони Кумитаи идораи замин ва дигар шахсони расмӣ ҳузур доранд.
Барои сокинони зарардида хаймаҳои муваққатӣ ташкил карда гардида, ҳамзамон зарардидагон бо хӯроки доимӣ таъмин карда шудаанд.
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
Дар роҳи Душанбе–Чаноқ хатҳои уфуқӣ аз нав кашида мешаванд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар Донишгоҳи давлатии тиббии Тоҷикистон доир ба зеҳни сунъӣ ва тандурустии рақамӣ конференсия доир гардид
Дар Донишгоҳи давлатии Бохтар оид ба истифодаи усулҳои гармофизикӣ конференсияи байналмилалӣ баргузор гардид
САЛОМАТИИ ҶОМЕА — САРВАТИ МИЛЛАТ. Истифодаи никотин ба рушди майна ва қобилияти омӯзиш таъсири манфӣ расонад
Ҳайати Тоҷикистон дар ҷаласаи 76-уми Кумитаи минтақавии аврупоии Созмони ҷаҳонии тандурустӣ иштирок намуд
Форуми дувоздаҳуми миллӣ оид ба волоияти қонун дар Ҷумҳурии Тоҷикистон баргузор гардид
