Дар ноҳияи Рӯдакӣ 475 нафар бо ҷойи кори доимӣ таъмин гардиданд
РӮДАКӢ, 02.04.2021 /АМИТ «Ховар»/. Барои бо ҷойи кори доимӣ таъмин намудани муроҷиаткунандагон Агентии меҳнат ва шуғли аҳолӣ дар ноҳияи Рӯдакӣ дар асоси талаботи Қарори Ҳукумати Ҷумҳурии Тоҷикистон аз 2 апрели соли 2009 аз корхонаву ташкилот маълумоти ҷойҳои кории ишғолнашударо ҷамъоварӣ намуда, моҳе ду маротиба тавассути тахтаи эълонҳо ба корҷӯён пешниҳод мекунад. Дар натиҷаи гузаронидани чунин ярмаркаҳо 457 нафар шаҳрвандон бо ҷойи кори доимӣ таъмин гардиданд.
Тавре сардори Раёсати Агентии меҳнат ва шуғли аҳолӣ дар ноҳияи Рӯдакӣ Холназар Баротзода ба мухбири АМИТ «Ховар» иттилоъ дод, дар ноҳияи Рӯдакӣ барои амалӣ намудани «Барномаи давлатии шуғли аҳолӣ барои солҳои 2020-2022» ва иҷрои Қонуни Ҷумҳурии Тоҷикистон «Дар бораи ҳифзи меҳнат» мунтазам ярмаркаи ҷойҳои холии корӣ ва вазифаҳои озод ташкил менамоянд.
Дар назар аст, ки соли 2021 даҳ маротиба ярмаркаҳои ҷойҳои холии корӣ баргузор шаванд. Дар семоҳаи аввали соли равон 1174 нафар шаҳрвандон бо масъалаҳои гуногун муроҷиат карданд, ки 1095 нафарашон ҳамчун корҷӯй ба қайд гирифта шуданд. Ин нисбат ба ҳамин давраи соли гузашта 82 нафар зиёд мебошад. Дар ин давра ба 803 нафар расман мақоми бекорӣ дода шудааст.
Дар се моҳи аввали соли равон Раёсати Агентии меҳнат ва шуғли аҳолӣ дар ноҳияи Рӯдакӣ се маротиба ярмаркаи ҷойҳои холии корӣ ва вазифаҳои озод баргузор кард, ки дар ҳар яки он ба ҳисоби миёна 23 корфармо иштирок намуда, ҷойҳои холии кориро муаррифӣ карданд. Дар ин замина, ба 42 нафар барои омӯзиши касбу ҳунарҳои гуногун роҳхат дода, 38 нафар ба ҷойи кори доимӣ ҷалб гардиданд, ки аз ин шумора 18 кас зан мебошанд.
Ҳамчунин дар се моҳи сипаришуда 196 нафар шахсони бешуғл барои касбомӯзӣ ба маркази таълимӣ сафарбар шуданд.
АКС аз бойгонӣ
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
Дурнамои ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин баррасӣ гардид
Шаҳри Душанбе сазовори Шоҳҷоизаи Фестивали ҷумҳуриявии «Сайри гули лола» гардид
Имрӯз ғолибони Фестивали гулҳо таҳти унвони «Сайри гули лола» ҳавасманд гардонида мешаванд
Ҳайати Тоҷикистон дар Анҷумани XV онкологҳо ва радиологҳои кишварҳои ИДМ ва Авруосиё иштирок намуд
Пагоҳ дар Душанбе Фестивали гулҳо таҳти унвони «Сайри гули лола» ҷамъбаст мегардад
Дар Боғи фарҳангӣ-фароғатии «Куруши Кабир» Намоиш-фурӯши маҳсулоти ҳунармандӣ идома дорад
Бо сокинони шаҳри Конибодом дар мавзуи худогоҳию худшиносии миллӣ вохӯрӣ баргузор шуд
Бахшида ба Рӯзи умумиҷаҳонии ҳифзи меҳнат ҳамоиш доир шуд
Дар мавзуи «Худогоҳию худшиносии миллӣ – василаи мубориза бо таассуб ва хурофот» бо сокинони шаҳри Исфара вохӯрӣ доир шуд
