Дар шаҳри Хуҷанд 30 адад қуттиҳои партов нав карда шуданд
ДУШАНБЕ, 22.05.2021 /АМИТ «Ховар»/. Дар кӯчаю хиёбонҳои Исмоили Сомонӣ, Гагарин ва Фирдавсии шаҳри Хуҷанд беш аз 30 адад қуттиҳои нави партов ҷойгир карда шуда, қуттиҳои фарсудашуда баъди таъмир ва рангу бор дар дигар нуқтаҳои партовгоҳ гузошта мешаванд. Аз оғози соли равон дар якчанд кӯчаҳои шаҳри Хуҷанд, дар мавзеъҳои партовгузорӣ қариб 90 адад қуттиҳо нав карда шуданд. Бо иқдоми роҳбарияти Хуҷанд қуттиҳои партови нуқтаҳои партов дар шаҳр марҳила ба марҳила таҷдид карда мешаванд.
Тавре аз дафтари матбуоти Раиси шаҳри Хуҷанд иттилоъ доданд, ин тадбир аз ҷониби КВДК «Хизматрасонии нақлиёти санитарии шаҳри Хуҷанд», ки муассисаи коммуналии шаҳр ба ҳисоб рафта, барои бардоштан, кашонидан ва гӯронидани партовҳои сахти маишии шаҳр масъул аст, роҳандозӣ мегардад.
Дар шаҳри Хуҷанд 175 адад нуқтаи партов бо 780 адад қуттиҳо мавҷуд буда, ҳамарӯза аз ҷониби КВДК «Хизматрасонии нақлиёти санитарии шаҳри Хуҷанд» партовҳо ҷамъоварӣ гардида, тибқи реҷаи махсус ин мавзеъҳо безарар гардонида мешаванд.
КВДК «Хизматрасонии нақлиёти санитарии шаҳри Хуҷанд» реҷаи кори худро дар 3 баст ба роҳ монда, аз ҳудуди шаҳр ифлосиҳоро ба партовгоҳи шаҳри Хуҷанд мекашонад. Дар корхона 175 нафар фаъолият дошта, 31 адад нақлиёти партовкашон ҳамарӯза дар 3 баст фаъолияти пурсамар намуда, партовҳоро сари вақт аз ҷойҳои муайяншуда мегиранд.
КВДК «Хизматрасонии нақлиёти санитарии шаҳри Хуҷанд» дар самти тозаву озода нигоҳ доштани шаҳри Хуҷанд аз тамоми воситаҳо истифода менамояд.
Акси дафтари матбуоти Раиси шаҳри Хуҷанд








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






