Дар шаҳри Санкт-Петербург нуҳумин Конгресси байналмилалии экологӣ доир шуд

Май 27, 2021 14:10

ДУШАНБЕ, 27.05.2021 /АМИТ «Ховар»/. 27 майи соли 2021 дар қасри Таврическии шаҳри Санкт-Петербург бо ташаббуси бевоситаи Ассамблеяи Байнипарлумонии давлатҳои аъзои Иттиҳоди Давлатҳои Мустақил, Шӯрои Федератсияи Маҷлиси Федералии Россия ва Вазорати захираҳои табиӣ ва муҳити зисти Федератсияи Россия  нуҳумин конгресси байналмилалии экологӣ  таҳти шиори «Экологияи сайёра — рушди устувор» баргузор гардид.

Тавре котиби матбуоти Маҷлиси намояндагон Муҳаммадато Султонов ба АМИТ «Ховар» иттилоъ дод, дар кори ҷаласаи мазкур раиси комиссияи экологии Маҷлиси намояндагони Маҷлиси Олии Ҷумҳурии Тоҷикистон Муҳаммадраҳим Юсуфӣ суханронӣ намуд.

Конгресси мазкур  ба стратегияҳо ва лоиҳаҳои миллӣ дар соҳаи экология ва ҳифзи муҳити зист, масъалаҳои аз ҷиҳати экологӣ масъул, рушди «иқтисоди сабз», фарҳанги истеҳсолот, истеъмол ва тарзи ҳаёти солим бахшида шудааст.

Раёсати кумитаи тадорукоти Конгрессро Раиси Шӯрои Ассамблеяи Байнипарлумонии Давлатҳои аъзои Иттиҳоди Давлатҳои Мустақил, Раиси Шӯрои Федератсияи Маҷлиси Федералии Федератсияи Россия Валентина Матвиенко ва муовини Сарвазири Федератсияи Россия В.В. Абрамченко ба зимма доранд.

Платформаи мубоҳисавии конгресс барои муҳокимаи мавзӯъҳои калидӣ дар соҳаи ҳифзи табиат ва идоракунии муҳити зист, таҳкими ҳамкории байнипарлумонӣ дар ҳамоҳангсозии қонунгузории муҳити зист самаранок истифода мешавад.

Барномаи Конгресси IX байналмилалии экологӣ як пленум ва даҳ мизи мудавварро дар бар мегирад, ки ба таҳияи лоиҳаҳои миллӣ, ҳифзи захираҳои табиӣ ва гуногунии биологӣ, сиёсати иқлим, энергияи сабз, маърифати экологӣ ва рушди устувори обанборҳо бахшида шудааст. Амнияти экологӣ яке аз мавзӯъҳои асосии конгресс хоҳад буд.

Рӯзномаи муҳтавои конгресси дар пешистода муҳокимаи панҷ лоиҳаи афзалиятнокро дар соҳаи экология ва иқлим дар бар мегирад, ки ба Стратегияи нави рушди иҷтимоию иқтисодии Федератсияи Россия то соли 2030 дохил карда шудааст ва барои расидан ба яке аз ҳадафҳои миллӣ — «Муҳити бароҳат ва бехатар барои ҳаёт» мусоидат менамояд.

Мавзӯи баланд бардоштани масъулияти экологии тиҷорат ва амнияти экологӣ низ дар конгресс дахл карда мешавад. Дар доираи чорабинии мазкур ҳамчунин аксияҳои экологӣ баргузор мешаванд.

АКС аз  бойгонӣ

Май 27, 2021 14:10

Хабарҳои дигари ин бахш

Ба сокинони шаҳри Ҳисор нуктаҳои асосии Паёми Президенти Тоҷикистон ба Маҷлиси Олӣ расонида шуданд
Намояндаи Тоҷикистон дар кори иҷлосияи 148-уми Ассамблеяи парлумонии Иттиҳоди Давлатҳои Муттаҳид дар Женева иштирок намуд
Вакилони мардумӣ дар шаҳру ноҳияҳои Тоҷикистон бо намояндагони ҷомеа ва ходимони дин мулоқот намуданд
Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид