Дар шаҳру вилоятҳои Федератсияи Россия бо муҳоҷирони меҳнатӣ – шаҳрвандони Тоҷикистон силсиламулоқотҳо ҷараён доранд
ДУШАНБЕ, 27.05.2021. /АМИТ «Ховар»/. Масъулини Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират дар Маркази бисёрсоҳавии муҳоҷиратии шаҳри Владимири Федератсияи Россия бо шаҳрвандони Ҷумҳурии Тоҷикистон – муҳоҷирони меҳнатӣ мулоқот намуданд.
Тавре аз Намояндагии мазкур ба АМИТ «Ховар» хабар доданд, зимни баргузории мулоқот вобаста ба масъалаи расмикунонии муҳоҷирони меҳнатӣ, риояи қоидаҳои давлати иқомат, сари вақт иҷро намудани уҳдадориҳо дар маҳали зист ва риояи қоидаҳои буду боши муҳоҷирони меҳнатӣ дар кишвари қабулкунандаи қувваи корӣ корҳои фаҳмондадиҳӣ гузаронида шуданд.
Дар доираи мулоқоти мазкур барои баланд бардоштани ҳувияти миллӣ ва худшиносиву худогоҳии муҳоҷирони меҳнатӣ, муаррифии фарҳангу таърихи волои миллати тоҷик ва баланд бардоштани ҳисси ватандӯстии муҳоҷирони меҳнатӣ, тоҷикони муқимӣ ва аъзои оилаҳои онҳо маслиҳату машваратҳои муфид дода шуданд.
Дар интиҳои ҳамоиш даъват ба амал оварда шуд, ки тамоми муҳоҷирони меҳнатие, ки дар минтақа фаъолият менамоянд, бояд ба фурсати муносиби қонунигардонӣ ҷалб шуда, то 15 июни соли ҷорӣ ҳуҷҷатҳои будубош ва фаъолияти меҳнатии худро қонунӣ гардонанд.
Зимни баргузории мулоқот аз ҷониби муҳоҷирони меҳнатӣ ба кормандони намояндагӣ саволҳо пешниҳод шуда, ҷавобҳои мушаххас гирифта шуданд.
Қабл аз вохӯрӣ бо муҳоҷирони меҳнатӣ масъулини Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират бо директори Маркази бисёрсоҳавии муҳоҷиратии шаҳри Владимир ҷиҳати мусоидат дар расмикунонии ҳуҷҷатҳои шаҳрвандони Ҷумҳурии Тоҷикистон мулоқот намуданд.
Дар доираи мулоқоти мазкур масъулини Намояндагӣ бо шароити қабули шаҳрвандон барои қонунигардонӣ аз наздик шинос гардиданд. Дар Маркази мазкур бастаи ҳуҷҷатҳои муҳоҷирон, аз ҷумла корти муҳоҷиратӣ бо тамдиди муҳлат ва қайди муҳоҷиратӣ омода гардида, баъдан муҳоҷирон аз муоинаи тиббӣ гузашта, суғуртаи тиббӣ таҳия мекунанд. Пас аз гирифтани сертификати донистани забони русӣ тамоми бастаи ҳуҷҷатҳо ба шуъбаи кор бо муҳоҷирони шаҳри Владимир барои ба расмият даровардани патент ирсол карда мешаванд.
Мавриди зикр аст, ки мулоқоту суҳбатҳои масъулини Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират бо муҳоҷирони меҳнатӣ – шаҳрвандони Ҷумҳурии Тоҷикистон пайваста дар шаҳру вилоятҳои Федератсияи Россия доир мегарданд.
Дар Ҳисор бахшида ба Рӯзи байналмилалии оила ҳамоиши идона доир гардид
Доир ба масъалаи масъулияти блогерон дар таъмини фазои иттилоотӣ вохӯрӣ баргузор шуд
КОНФРОНСИ 35-УМИ МИНТАҚАВИИ СОЗМОНИ ОЗУҚАВОРӢ ВА КИШОВАРЗИИ СММ. Оид ба нақши занон дар таъмини амнияти озуқаворӣ ҳамоиш доир шуд
Байни Тоҷикистон ва Чин дар самти таҳқиқоти академӣ Ёддошти тафоҳум оид ба ҳамкорӣ ба имзо расид
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
