Имрӯз дар Душанбе ҷаласаи Шӯрои вазирони корҳои хориҷии СААД баргузор мегардад
ДУШАНБЕ, 19.05.2021 /АМИТ «Ховар»/. Имрӯз, 19 май дар Душанбе ҷаласаи навбатии Шӯрои вазирони корҳои хориҷии давлатҳои узви Созмони аҳдномаи амнияти дастаҷамъӣ (СААД) баргузор мегардад.
Тавре мухбири АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар кори ҷаласаи мазкур, ки таҳти раисии Вазири корҳои хориҷии Ҷумҳурии Тоҷикистон барпо мегардад, вазирони корҳои хориҷии Арманистон, Беларус, Қазоқистон, Қирғизистон ва Россия ширкат хоҳанд кард.
Дар ҷараёни ҷаласа ҷонибҳо ҳолат ва дурнамои таҳаввули авзои байналмилалию минтақавӣ ва таъсири он ба амнияти кишварҳои узви СААД-ро мавриди баррасӣ қарор хоҳанд дод.
Аз натиҷаи ҷаласаи мазкур бастаи ҳуҷҷатҳо қабул мегардад.
Пеш аз оғози ҷаласаи ШВКХ, вазирони корҳои хориҷиро, тавре ки интизор меравад, раиси Шӯрои амнияти дастаҷамъии СААД, Президенти Ҷумҳурии Тоҷикистон, Пешвои миллат Эмомалӣ Раҳмон ба ҳузур хоҳанд пазируфт.
Аҳдномаи амнияти дастаҷамъӣ (ААД) 15 майи соли 1992 дар Тошканд имзо шуда буд. 14 майи соли 2002 Шӯрои амнияти дастаҷамъӣ дар иҷлосия дар Москва дар бораи табдил додани механизмҳо ва сохторҳои ҳамкории кишварҳои узви ААД ба созмони байналмилалии минтақавӣ — «Созмони Аҳдномаи Амнияти Дастаҷамъӣ» ва ба он додани мақоми дахлдор қарор қабул кард. 18 сентябри соли 2003 Оинномаи СААД эътибор пайдо кард. Ба Созмони аҳдномаи амнияти дастаҷамъӣ инҳо шомиланд: Ҷумҳурии Арманистон, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Россия, Ҷумҳурии Тоҷикистон, ки соли 2021 раёсати Созмонро ба уҳда дорад.
РАВАНДИ ОБИ ДУШАНБЕ. Дар дафтари СММ дар Арабистони Саудӣ оид ба Конфронси Душанбе чорабинӣ доир гардид
Нақши Тоҷикистон ҳамчун пешбарандаи дипломатияи об дар ҳамоиши байналмилалӣ дар Абузабӣ таъкид гардид
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Дастовардҳо ва иқтидори Тоҷикистон дар соҳаи зеҳни сунъӣ дар Амрико муаррифӣ гардид
Ҳамкории иқтисодию тиҷоратии Тоҷикистон ва Лаҳистон баррасӣ гардид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
