Муаррифии дастовардҳои Тоҷикистони соҳибистиқлол ва ашъори Мирзо Турсунзода дар Шарқи Дур
ДУШАНБЕ, 02.05.2021 /АМИТ «Ховар»/. Ба ифтихори 30-солагии Истиқлоли давлатии Ҷумҳурии Тоҷикистон ва 110-солагии зодрӯзи Шоири халқии Тоҷикистон, Қаҳрамони Тоҷикистон Мирзо Турсунзода бо ташаббуси Ҷамъияти «Тоҷикони Шарқи Дур» дар китобхонаи бачагонаи №1-и шаҳри Хабаровск барномаи пуршукӯҳи фарҳангӣ-адабӣ баргузор гардид.
Тавре хабарнигори махсуси АМИТ «Ховар» дар Федератсияи Россия Садбарги БОҚӢ иттилоъ медиҳад, дар ин маҳфил хонандагони мактаби кадетии шаҳри Хабаровск иштирок намуда, нахуст аз намоши аксу мусаввараҳо, расму оинҳои миллӣ ва дигар дастовардҳо, ки инъикоскунандаи таърихи солҳои соҳибистиқлолии Тоҷикистонанд, дидан намуда, сипас дар қисми дигари барнома ширкати фаъол намуданд.
Роҳбари Ҷамъияти «Тоҷикони Шарқи Дур» хонандагонро бо дастовардҳои арзандаи халқи тоҷик, ки бо талошҳои пайвастаи Пешвои миллат муҳтарам Эмомалӣ Раҳмон давоми 30 соли Истиклоли давлатӣ ба он ноил гардидаанд, шинос намуд.
Дар ҷараёни муаррифии ин дастовардҳо гуфта шуд, ки таърихи халқи тоҷик аз решаҳои куҳани ниёгон сарчашма гирифта, марҳилаҳои зиёдеро пушти сар кардааст, аммо бо шарофати Истиқлоли давлатӣ Тоҷикистон ҳамчун кишвари рӯ ба рушд ва соҳибихтиёру озод ба комёбиҳои бузург ноил гардиду дар арсаи ҷаҳон бо ташаббусҳои созандаву мондагор мавқеи устувор касб намуд. Дар ин муддат дар Ҷумҳурии Тоҷикистон иқдомҳои бузурге рӯйи даст гирифта шуда, зина ба зина амалӣ гардиданд, ки ин ҳама мояи ифтихори кулли мардуми кишвар мебошад. Аз ҷумлаи ин рӯйдодҳои таърихӣ метавон бунёди нақбу пулҳо, неругоҳҳои хурду бузург, хосса НБО «Роғун», ибтикороту ташаббусҳои сатҳи ҷаҳонии Тоҷикистон, баргузории конфронсу саммитҳои байналмилалӣ ва чандеи дигарро номбар кард.
Қисми дигари маҳфил ба ифтихори 110-солагии Шоири халқии Тоҷикистон Мирзо Турсунзода, ҳаёту фаъолият ва эҷодиёти ин шоири тавоно бахшида шуд. Хонандагон дар баробари шиносоӣ бо осори гаронбаҳои Қаҳрамони Тоҷикистон, ҳамчунин аз ашъори ӯ бо забонҳои тоҷикӣ ва русӣ шеърҳо қироат карданд.
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Ҷилди панҷуми китоби «Таърихи халқи тоҷик» рунамоӣ гардид
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
