«Нақши китоби «Тоҷикон»-и Бобоҷон Ғафуров дар шинохти асолати миллӣ». Таҳти ин унвон дар Ишкошим озмуни ҷумҳуриявӣ ҷамъбаст шуд
ДУШАНБЕ, 22.05.2021 /АМИТ «Ховар»/. Миёни хонандагони синфҳои 10-11 муассисаҳои таҳсилоти миёнаи умумии ноҳияи Ишкошим таҳти унвони «Нақши китоби «Тоҷикон»-и Бобоҷон Ғафуров дар шинохти асолати миллӣ» озмуни ҷумҳуриявӣ гузаронида шуд. Тибқи натиҷаҳои пешниҳоднамудаи аъзои ҳакамон Манижа Мамадносирова- хонандаи МТМУ №13, Барзу Улфатов- хонандаи МТМУ №23, Идона Рузадорова- хонандаи МТМУ №16 сазовори ҷойҳои ифтихорӣ гардиданд.
Дар ин бора аз КИ ҲХДТ –и ноҳияи Ишкошим ба АМИТ «Ховар» хабар доданд.
Иштирокчиёни маҳфил – озмуни ҷумҳуриявӣ аз рӯи шарт ва талаботи муқарраргардида: баромад доир ба моҳияти таърихӣ ва ватандӯстии китоби «Тоҷикон»; маҳорату истеъдоди иштирокчиён аз рӯйи нақли осор; саволҳо ба иштирокчиён аз китоби «Тоҷикон» байни ҳам қувваозмоӣ намуданд.
Дар охир ба ғолибон ва иштирокчиёни фаъоли маҳфил- озмун Диплом, Сипоснома ва туҳфаҳои хотиравӣ аз ҷониби раиси КИ ҲХДТ дар ноҳияи Ишкошим супорида шуд.
Ёдовар мешавем, ки озмуни ҷумҳуриявӣ бо мақсади дастгирии ҳамаҷонибаи иқдоми беназири Президенти Ҷумҳурии Тоҷикистон муҳтарам Эмомалӣ Раҳмон дар самти тақдими китоби «Тоҷикон» ба ҳар оилаи мамлакат, ҳамчунин баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ, тақвияти ҷаҳони маънавӣ миёни аҳолии кишвар, аз ҷумла хонандагони муассисаҳои таҳсилоти миёнаи умумӣ гузаронида мешавад.
АКС аз КИ ҲХДТ н. Ишкошим
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
«Харитаи хатсайри Шӯриши Восеъ» ба ҷалби бештари сайёҳони дохилию хориҷӣ мусоидат менамояд
Корҳои тармиму барқарорсозӣ дар ёдгориҳои Қалъаи Муъминобод, Қалъаи Кӯлоб ва қасри Ҳокими Ҳисор идома доранд
Дар Бадахшон даври вилоятии Озмуни ҷумҳуриявии «Тоҷикистон — Ватани азизи ман» ҷамъбаст гардид
Бо иштироки олимони бостоншинос филми мустанади «Хутали қадим» таҳия гардид
Дар Тоҷикистон 6 агентии иттилоотӣ, аз ин 1 давлатӣ ва 5 мустақил фаъолият доранд
НИШАСТИ МАТБУОТӢ. «Шоҳи қуллаҳо» — филми мустанад дар мавзуи ҳифзи бабри барфӣ сазовори ҷоиза гардид
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
НИШАСТИ МАТБУОТӢ. Дар Тоҷикистон ду барномаи нави соҳаи фарҳанг қабул гардид
Раиси Кумитаи миллӣ оид ба ҳуқуқи инсони Давлати Қатар Қалъаи Ҳисорро тамошо намуд
Рӯзи фарҳанги шаҳрҳои Гулистон, Бӯстон ва Истиқлол бо шукуҳу шаҳомати хосса баргузор гардид
