РЎЗГОРЕ БАРОИ ИБРАТ: Иштирокчии ҷанг ва собиқ корманди милиса Абдувалӣ Қаюмов барои хизмати шоиста бо 20 медалу орденҳои дараҷаи баланд қадрдонӣ шудааст

Май 7, 2021 08:31

ДУШАНБЕ, 07.05.2021 /АМИТ «Ховар»/. Дар арафаи 76-солагии иди Ғалаба роҳбарияти Шӯрои созмони собиқадорони мақомоти корҳои дохилӣ дар назди Раёсати Вазорати корҳои дохилӣ дар вилояти Суғд иштирокчии Ҷанги дуюми ҷаҳонӣ Абдувалӣ Қаюмовро аёдат намуданд. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.

Абдувалӣ Қайюмов аз таваҷҷуҳу ғамхории пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба иштирокчиёни Ҷанги дуюми ҷаҳонӣ ва шахсони ба онҳо барорбар изҳори миннатдорӣ намуда, дар навбати худ дастгирӣ ва пуштибонии роҳбарияти ВКД аз собиқадорони соҳа, бахусус иштирокчиёни Ҷанги дуюми ҷаҳониро таъкид намуд.

Абдувалӣ Қаюмов иштирокчии ҶДҶ, собиқадори мақомоти корҳои дохилӣ буда, моҳи июли соли 1924 дар Ҷамоати деҳоти Хонободи шаҳри Исфара дар оилаи деҳқон таваллуд шудааст. Соли 1932 ба мактаби ибтидоии зодгоҳаш рафта, соли 1936 синфи 4-умро хатм намудааст ва баъдан то соли 1942 дар колхоз заҳмат кашидааст. Моҳи январи соли 1942 барои хизмат ба сафи Қувваҳои мусаллаҳ даъват шуда, хизматро ба ҳайси телеграфист дар Полки №42 алоқа дар шаҳрҳои гуногуни Федератсияи Россия, Калинский ва Лвови Украина то моҳи апрели соли 1947 идома медиҳад.

Дар давраи иштирок дар ҶДҶ, аниқтараш давоми солҳои 1942-1947 қаҳрамониву шуҷоат нишон дода, дар муҳорибаҳои ҷангӣ ва озод намудани шаҳрҳои гуногуни Федератсияи Россия, Украина, шаҳру деҳоти давлатҳои соҳили Балтик ва Чехословакия саҳм гузоштааст.
Баъди анҷоми хизмат дар сафи Қувваҳои мусаллаҳ соли 1947 сарбаландона ба зодгоҳ баргашта, фаъолияти меҳнатиашро ба ҳайси колхозчӣ идома медиҳад. Ва соли 1951 ба сафи милитсияи Шӯравӣ пайваста, зиёда аз 30 сол дар мақомоти корҳои дохилӣ фаъолияти бенуқсон менамояд.

Дар баробари мубориза бар зидди ҷинояткорӣ саҳм гузоштан дар таъмини тартиботи ҷамъиятӣ, ҳифзи ҳаёту саломатӣ ва моликияти шаҳрвандон ҳадафи асосии кору пайкори ин марди наҷиб аст. Ӯ фаъолияти хизматии худро аз вазифаи милитсионери қатории шуъбаи корҳои дохилии шаҳри Исфара оғоз намуда, то ба вазифаи командири Хадамоти давлатии «Муҳофиза»-и шуъбаи мазкур идома медиҳад ва соли 1982 ба нафақа мебарояд.
Номбурда ҳамчун собиқадори МКД то ҳол дар чорабиниҳои тарбиявӣ ва корҳои роҳбаладии насли имрӯзаи милитсия фаъолона иштирок менамояд. А.Қайюмов зимни иштирок дар маҳфилу чорабиниҳои ташкилнамудаи РВКД дар вилояти Суғд ва ШВКД дар шаҳри Исфара дар назди ҳайати шахсӣ оиди таърихи милитсияи тоҷик, каҳрамонии кормандони милитсия, ёддоштҳо аз ҷабҳаи ҷанг қисса намуда дар баланд бардоштани ҳисси ватандӯстиву ватанпарварӣ, мустаҳкам намудани интизоми хизматӣ, риояи қонуният ва пешгирии ҷинояткорӣ саҳм мегузорад.

Барои далерию шуҷоат дар ҶДҶ ҳамчунин дар давраи фаъолият ва собиқадори мақомоти корҳои дохилӣ будан А.Қаюмов бо 20 медалу орденҳои дараҷаи баланд сарфароз гардидааст. То ба имрӯз аз ҷониби роҳбарияти Ҳукумат, ВКД ва Раёсати он дар вилояти Суғд қаҳрамони матлаби мо борҳо аёдат ва дидорбинӣ шуда, мунтазам аз ҳавасмандиҳои моддиву маънавӣ бархурдор аст.

Барои аъзои Шӯрои созмони собиқадорон дар назди Раёсати ВКД дар вилояти Суғд ва насли дар сохтори мақомот амалкунанда Абдувалӣ Қаюмов ҳамчун иштирокчии ҶДҶ, мактаби зиндаи тарғибгари матонату мардонагӣ ва чеҳраи намоён намунаи ибрат мебошад.

АКС  аз Вазорати корҳои дохилии ҶТ

Май 7, 2021 08:31

Хабарҳои дигари ин бахш

Дар доираи ташаббуси нави ҲХДТ «Роҳ ба сӯи маориф» якумин «Соати сиёсӣ» доир гардид
ҲАФТАИ ПОСИ ХОТИР. Дар ноҳияи Шуғнон муҷассамаи сарбози номаълум бунёд карда шуд
Дар се моҳи аввали соли равон дар Тоҷикистон бемориҳои сирояткунанда 3,4 фоиз кам гардидаанд
ҲУШДОРИ АГЕНТИИ ОБУҲАВОШИНОСӢ: 3-4 май дар вилоятҳо ва ноҳияҳои тобеи Тоҷикистон омадани сел аз эҳтимол дур нест
Дар Тоҷикистон тайи 15 соли татбиқи қонуни танзим беш аз 25 миллиард сомонӣ ба нафъи шаҳрвандон пасандоз гардидааст
Дар Суғд барои қадршиносии иштирокчиёну маъюбони ҶДҶ 477 ҳазор сомонӣ ҷудо гардид
НА ҲАМА ЧИРО ЯКБОРА ИСТЕЪМОЛ КАРДАН МУМКИН АСТ. Ғизошиноси тоҷик роҳи дурусти баромадан аз рӯзадории моҳи Рамазонро гуфт
Доир ба нақши худидоракунии маҳаллӣ дар таъмини рушди устувори Тоҷикистон конференсияи ҷумҳуриявӣ доир шуд
Раиси Шӯрои уламо Саидмукаррам Абдуқодирзода аз мардуми Тоҷикистон даъват кард, ки дар иди Фитр ба исрофкорӣ роҳ надиҳанд
Дар Конибодом корҳои сохтмонии бинои маъмурии ҲХДТ ва навсозии Боғи фарҳангию фароғатии шаҳр идома доранд
Бори нахуст дар Тоҷикистон ҷарроҳии эзофагоколопластика бо колофарингоанастамоз анҷом дода шуд
Бахшида ба Рӯзи умумиҷаҳонии ҳифзи меҳнат дар Душанбе ҳамоиш доир гардид