Театри лӯхтак намоиши «Гули қоқу»-ро дар Фестивали II байналмилалии намоишҳои кӯдакона дар шаҳри Владимири Федератсияи Россия манзур мекунад
ДУШАНБЕ, 27.05.2021 /АМИТ «Ховар»/. Спектакли ҷолиб ва накупарваронаи кӯдаконаи «Гули қоқу»-ро Театри давлатии лӯхтаки Душанбе дар Фестивали II байналмилалии намоишҳои кӯдаконаи театрҳои лӯхтак «МайдаЧА» («МалишОК») манзур менамояд. Дар ин бора ба хабарнигори АМИТ «Ховар» роҳбари бадеии театр Наргис Розиқзода иттилоъ дод.
Фестивал аз 27 май то 2 июн дар шаҳри Владимир (Федератсияи Россия) баргузор мешавад.
«Спектакл дар шакли онлайн пешниҳод карда мешавад, барои ин дар театр тамоми воситаҳо ва имконоти зарурии техникӣ мавҷуданд», — зикр кард роҳбари бадеии театр.
Ба гуфтаи мусоҳиб, ин спектакл, ки маҳбуби кӯдакони Тоҷикистон шуда, ба фестивал пешкаш гардидааст, афсонаест дар бораи некӣ ва муҳаббат ба наздикон.
Гули қоқуи хурдакак, ки дар марғзори ҷангал мерӯяд ва имкони ҳаракат кардан надорад, илоҷе карда, ба ҳама эҳтиёҷмандон некӣ мекунад. Вай хурд аст, аммо дили бузурги меҳрубон дорад. Дар паҳлӯи ӯ бобои куҳансол — Қоқу мерӯяд, ки ҳамеша аз ҳама чиз норизо аст. Аммо дар фарҷом, корҳои нек ва сурудҳои Гули қоқу, инчунин ҳама чизе ки дар атрофи ӯ рух медиҳанд, бобои Қоқуро тағйир медиҳанд.
Спектакли худро Театри давлатии лӯхтаки Душанбе 30 май пешкаш мекунад. Муаллифи спектакли кӯдакона Маҳинбону Ҳасанова, коргардон Мунира Зоирова ва оҳангсоз Шаҳринисо Яковлева мебошанд.
Инчунин дар фестивал дастаҳои театрии Булғористон, Беларус ва Қазоқистон спектаклҳои худро намоиш медиҳанд.
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
