Вакилони Маҷлиси намояндагон дар ҷаласаҳои Ассамблеяи Байнипарлумонии ИДМ дар реҷаи фосилавӣ иштирок намуданд
ДУШАНБЕ, 21.05.2021 /АМИТ «Ховар»/. Имрӯз Раиси кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ Сумангул Тағойзода ва вакили мардумӣ Зоир Раҳмонзода дар кори Шӯрои коршиносони соҳаи тандурустии Ассамблеяи Байнипарлумонии кишварҳои узви Иттиҳоди Давлатҳои Мустақил ва иҷлосияи шонздаҳуми Ассамблеяи Байнипарлумонии ҷавонони давлатҳои аъзои Иттиҳоди Давлатҳои Мустақил, ки дар реҷаи фосилавӣ (он-лайн) дар қасри Таврическии шаҳри Санкт-Петербург баргузор гардид, иштирок ва суханронӣ намуданд.
Тавре котиби матбуоти Маҷлиси намояндагон Муҳаммадато Султонов ба АМИТ «Ховар» иттилоъ дод, иштирокчиёни ҷаласаҳои мазкур дар рӯзномаи кори худ масъалаҳои мубрами рӯз, аз ҷумла «Эволютсияи биоэтика. Тадқиқоти клиникӣ ва арзёбии технологияи саломатӣ, мушкилоти ҷорӣ», «Масъалаҳои ахлоқӣ дар тиҷорати дорусозии ҷаҳонӣ», «Системаи таснифоти байналмилалӣ ҳамчун заминаи ҳалли саривақтӣ ва муносиби масъалаҳои биоэтикӣ. «Таснифоти байналмилалии фаъолият, маъюбон ва саломатӣ асоси ташкили системаи барқарорсозии ҳамаҷонибаи маъюбон», «Дар бораи ташаббусҳои қонунгузории ҷавонон ва лоиҳаҳои давлатӣ дар соҳаи экология ва ҳифзи муҳити зист», «Дар бораи натиҷаҳои видеоконфронси байналмилалии «Ҷавонон- зидди ситоиши натсизм», «Дар бораи лоиҳаи консепсияи Тавсияҳо «Дар бораи чораҳо оид ба муайян ва дастгирии кӯдакон ва ҷавонони боистеъдод», «Дар бораи ҳамкории давлатҳои узви ИДМ дар соҳаи ҳамкории байналмилалии ҷавонон мутобиқи қарорҳои мақомоти ИДМ-ро, ки солҳои 2020-2021» қабул шудаанд, мавриди баррасӣ қарор доданд.
Намояндагони Парлумони Тоҷикистон таваҷҷуҳро ба мушкилоти экологии замони ҳозира ҷалб карда, таъкид намуданд, ки аз сабаби сарбории аз ҳад зиёди антропогенӣ, манзараҳои табиӣ тағйир меёбанд, мушкилоти ҳифзи гуногунии биологӣ меафзояд. Афзоиши офатҳои табиӣ, ки асосан бо мушкилоти тағйирёбии иқлим, буридани системавии ҷангалҳои осебпазир ва барқароршаванда, рушди иқтисодии нишебиҳои кӯҳ алоқаманданд, нигаронии махсус доранд.
Вакилони Парлумон ҳамчунин ба ҳамкасбони худ дар бораи чораҳои қонунгузории Ҷумҳурии Тоҷикистон дар соҳаи ҳифзи муҳити зист маълумот дода, иброз намуданд, ки бисёр қонунҳои дар ин соҳа қабулшуда, аз ҷумла «Дар бораи ҳифзи муҳити зист», «Дар бораи минтақаҳои махсуси ҳифзшаванда», «Дар бораи аудити экологӣ», «Дар бораи иттилооти экологӣ» ва дигарон бо назардошти ташаббусҳои қонунгузории ҷавонон таҳия карда шуданд.
Иштирокчиёни ҷаласаҳои мазкур дар фарҷом аз рӯи масъалаҳои баррасигардида қарорҳои дахлдор қабул намуданд.
Аксҳо аз Маҷлиси намояндагон








ИҶЛОСИЯИ XVI ШУРОИ ОЛӢ ВА РӮЗИ ПРЕЗИДЕНТ. Таҳлили ҳуқуқии мафҳумҳои конститутсионӣ ва таърихии давлатдорӣ
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд






