Ҳайати ҳунармандони Ӯзбекистон ба Тоҷикистон омад
ДУШАНБЕ, 08.06.2021/АМИТ «Ховар»/. Гурӯҳи ҳунармандони маъруфи Ҷумҳурии Ӯзбекистон дар ҳайати зиёда аз 100 нафар овозхонҳо, мақомсароён, мутрибон ва раққосон таҳти роҳбарии Вазири фарҳанги Ҷумҳурии Ӯзбекистон Озодбек Назарбеков ба шаҳри Душанбе омаданд.
Меҳмононро дар Фурудгоҳи байналмилалии шаҳри Душанбе Вазири фарҳанги Ҷумҳурии Тоҷикистон Зулфия Давалатзода ва муовини аввали ӯ Обид Назариён истиқбол гирифтанд.
Ҳунармандони ӯзбек дар барномаи муштараки консертии устодони санъати Ҷумҳурии Тоҷикистон ва Ҷумҳурии Ӯзбекистон «Шоми дӯстӣ», ки 10 июни соли равон дар маҷмааи давлатии «Кохи Борбад» бо ҳузури Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев баргузор мегардад, иштирок менамоянд.
Дар барномаи муштараки консертӣ аз ҷониби Тоҷикистон зиёда аз 150 нафар ҳунармандони шинохтаи кишвар ба шумули Ҳунарпешаҳои халқии Тоҷикистон Давлатманд Холов ва Адҳам Холиқов, сарояндагони ҷавону бомаҳорат Тулқун Тоҷибоев, Нигина Амонқулова, Ситораи Кароматулло, Муҳаммадрафӣ Кароматулло, ансамблҳои рақсии «Гулрез», «Ҷаҳоноро», «Лола», «Парасту», «Базморо» ва ансамбли давлатии «Шашмақом» ба номи Фазлиддин Шаҳобов, аз ҷониби кишвари ҳамсоя Ҳунарпешаҳои халқии Ӯзбекистон Озодбек Назарбеков, Фаррух Зокиров, Юлдуз Усмонова, Абдуҳошим Исмоилов, Ҳунарпешаи шоистаи Ӯзбекистон Элмурод Аҳмадов, гурӯҳи мақомсароён, ансамблҳои рақсии «Ӯзбекистон» ва «Тошкент зеболари» иштирок хоҳанд кард.
Дар Вазорати фарҳанги ҶТ ба АМИТ «Ховар» гуфтанд, ки тамрин ва тайёрии ҳунармандони тоҷку ӯзбек аллакай шуруъ шудааст.
Хотиррасон менамоем, ки сафари расмии Президенти Ҷумҳурии Ӯзбекистон Шавкат Мирзиёев ба Тоҷикистон рӯзҳои 10-11 июни соли равон сурат мегирад.
АКСҲО аз Вазорати фарҳанги ҶТ
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
