Масъулин роҳҳои татбиқи «Барномаи саноатикунонии босуръати Ҷумҳурии Тоҷикистон барои солҳои 2020-2025»-ро баррасӣ карданд
ДУШАНБЕ, 11.06.2021/АМИТ «Ховар»/. «Рушди соҳаи саноат яке аз омилҳои пешбарандаи иқтисоди давлат маҳсуб ёфта, омили пешрафти дигар соҳаҳо низ маҳсуб мешавад». Чунин зикр шуд дар ҷаласаи навбатии Гурӯҳи кории байниидоравӣ оид ба мониторинг ва амалишавии «Барномаи саноатикунонии босуръати Ҷумҳурии Тоҷикистон барои солҳои 2020- 2025» ва Матритсаи амалиёти он, ки дар Вазорати саноат ва технологияҳои нави ҷумҳурӣ баргузор гардид.
Ба АМИТ «Ховар» аз Вазорати саноат ва технологияҳои нави ҷумҳурӣ иттилоъ доданд, ки Умед Солеҳзода роҳбари Гурӯҳи кории байниидоравӣ оид ба мониторинг ва амалишавии «Барномаи саноатикунонии босуръати Ҷумҳурии Тоҷикистон барои солҳои 2020- 2025» доир ба вазъи воқеӣ, дастовардҳо ва раванди саноатикунонии босуръати кишвар, ҳамчунин вобаста ба масъалаҳои ҳалталаби соҳаи саноат гузориш дод.
Дар ҷаласа доир ба фаъолияти Гурӯҳи кории байниидоравӣ ҷиҳати мониторинг ва амалишавии «Барномаи саноатикунонии босуръати Ҷумҳурии Тоҷикистон барои солҳои 2020-2025» ва Матритсаи амалиёти он, пешниҳодҳо ҷиҳати ҳалли мушкиливу монеаҳо дар раванди амалишавии Барномаи болозикр ва таҳлили вазъи соҳаи саноати кишвар, инчунин масъала ҷиҳати муайян намудани имкониятҳои нави баланд бардоштани иқтидорҳои соҳаҳои саноат мавриди баррасӣ қарор дода шуданд.
Зикр гардид, ки бо дар назардошти аҳамияти соҳаи саноат дар ҳалли масъалаҳои иқтисодиву иҷтимоӣ ва таъсиси ҷойҳои кории нав Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёмашон ба Парлумони мамлакат саноатикунонии босуръати кишварро ҳадафи чоруми стратегӣ эълон намуданд.
Акс аз Вазорати саноат ва технологияҳои ҷумҳурӣ
Сардори Хадамоти алоқа дар Форуми байналмилалии иқтисодии Санкт-Петербург иштирок намуд
Масъалаи таъсиси Маркази логистикӣ дар гузаргоҳи сарҳадии «Дустӣ» баррасӣ шуд
Дар Душанбе марҳилаи дуюми ҳакатони минтақавии «Ҳалли сабз ва рақамӣ барои рушди устувор дар Осиёи Марказӣ» доир гардид
Мутахассисони «Тоҷикаэронавигатсия» дар ҷаласа оид ба хизматрасонии метеорологии авиатсияи гражданӣ дар Бишкек иштирок намуданд
Тоҷикистону Чин ҳамкориро дар бахши низоми бонкӣ густариш медиҳанд
Дар Тоҷикистон зиёда аз 32 ҳазор тонна картошка ҷамъоварӣ шудааст
Густариши ҳамкории Тоҷикистон ва Покистон дар соҳаҳои гуногун баррасӣ шуд
Ҳамкории Тоҷикистон ва Чин дар соҳаи обуҳавошиносӣ дар доираи «MAZU» тақвият меёбад
Форум ва намоишгоҳи байналмилалии сайёҳии «Хатлон — сарзамини тамаддунҳо ва саёҳат» оғоз гардид
Қоҳир Расулзода бо вазири федералии энергетикии Покистон Авайс Аҳмад Хан Леғарӣ мулоқот намуд
Ҷаласаи Гурӯҳи кории намояндагони мақомоти гумруки Тоҷикистон ва Узбекистон баргузор гардид
Дар Душанбе рафти татбиқи лоиҳаҳои муштарак бо Бонки Олмонии рушд баррасӣ гардид
