«БЕШАИ ПАЛАНГОН» — МАМНӮЪГОҲИ НОДИРИ САЙЁРА. Санад барои ба Рӯйхати мероси ҷаҳонии ЮНЕСКО ворид намудани он таҳия карда мешавад
ДУШАНБЕ, 07.06.2021 /АМИТ «Ховар»/. Ҳукумати Ҷумҳурии Тоҷикистон таҳияи санадро барои ба рӯйхати мероси ҷаҳонии ЮНЕСКО шомил кардани мамнӯъгоҳи табиии «Бешаи палангон» шурӯъ кардааст, гузориш медиҳад «АП».
Мақоми мавзеи мероси ҷаҳонӣ барои дарёфти як зумра имтиёзҳо ҳам дар самти муҳофизати табиат ва ҳам дар самти дастгирии ҳамаҷонибаи мамнӯъгоҳ мусоидат мекунад. Инҳо, пеш аз ҳама баланд шудани эътибор, афзалиятнокӣ барои ҷалби маблағҳо, рушд додани шаклҳои алтернативии истифодабарӣ, масалан туризми экологӣ ва боз бисёр чизҳои дигар мебошанд.
«Бешаи палангон» мамнӯъгоҳи нодири сайёра аст, ки дар ҳудуди се ноҳия — Дӯстӣ, Ҷайҳун ва Қубодиёни вилояти Хатлони Тоҷикистон воқеъ аст. Дар соли 1938 ба он мақоми мамнӯъгоҳ дода шудааст. Масоҳати мамнӯъгоҳ тақрибан 50 ҳазор гектарро ташкил медиҳад. Мамнӯъгоҳ ягона гӯшаи Замин аст, ки дар он маҷмааи тӯғайзори биёбонӣ боқӣ мондааст.
Мамнӯъгоҳи «Бешаи палангон» — яке аз ҷойҳои дидании Тоҷикистон — ба асари тағйирёбии иқлим зарар дидааст. Дар сурати ба Рӯйхати мероси умумиҷаҳонии ЮНЕСКО шомил шудани мамнӯъгоҳ, умедворем ҷомеаи ҷаҳонӣ ба он таваҷҷуҳ зоҳир хоҳад кард, ки ин имкон медиҳад мавзеи мазкур ба шароити навӣ табиӣ мутобиқ гардад.
«Бешаи палангон» ҳамчун мамнӯъгоҳ имкон медиҳад, ки на танҳо табиат дар шакли ибтидоии он ҳифз карда шавад, балки ҳамзамон заминаи гузаронидани таҳқиқоти илмиро мусоид мегардонад. Дар ин ҷо конфронсҳои илмӣ доир мешуданд, олимон рисолаҳо дифоъ мекарданд, маърӯзаҳо, монографияҳо, мақолаҳо навишта мешуданд. Аз баракати саъю кӯшишҳои онҳо мамнӯъгоҳи «Бешаи палангон» дар хориҷи минтақа ҳам машҳур гардидааст.
Мақоми мероси ҷаҳонии табиӣ метавонад онро дар сафи маъруфтарин минтақаҳои муҳофизатшавандаи ҷаҳон бигузорад ва барои рушди таҳқиқоти экологӣ дар Тоҷикистон такони нав бахшад. Олимон чунин мешуморанд, ки «Бешаи палангон» охирин захирагоҳи бузурги сайёра бо наботот ва ҳайвоноти нодири тӯғайзорҳо мебошад.
АКСҲО аз бойгонӣ
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
