Бо мақсади пешгирӣ аз сирояти COVID-19 бо иштироки намояндагони марказҳои саломатии шаҳри Душанбе ҷаласа доир шуд
ДУШАНБЕ, 23.06.2021 /АМИТ «Ховар»/. Бо мақсади пешгирӣ намудан аз сирояти COVID-19 ва пурзӯр намудани корҳои фаҳмондадиҳӣ 22 июн дар Муассисаи давлатии «Маркази ҷумҳуриявии ташаккули тарзи ҳаёти солим»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷаласа доир шуд.
Дар ҷаласаи мазкур директори Муассисаи давлатии «Маркази ҷумҳуриявии ташаккули тарзи ҳаёти солим» Парвина Мухторова, директори Институти саломатии ИМА Ораш Алоӣ ва намояндагони марказҳои саломатии шаҳри Душанбе, ки ба корҳои пешгирикунанда оид ба бемориҳои сироятӣ дар байни аҳолӣ фаъолият мекунанд, иштирок намуданд.
Парвина Мухторова иброз дошт, ки пурзӯр намудани чораҳои пешгирикунанда ҷиҳати COVID-19 ва таъмини аҳолӣ бо иттилооти саривақтӣ яке аз роҳҳои асосии паҳншавии вирус маҳсуб меёбад. Зеро омили асосии хуруҷи навбатии бемории мазкур дар бетаваҷуҳии шаҳрвандон мебошад. Дар давраи паҳншавии бемории сироятии COVID-19 ҳар як шаҳрванд вазифадор аст, ки гигиенаи шахсиро риоя намояд ва саломатии худ ва наздиконро дар хатар нагузорад.
Директори Институти саломатии ИМА Ораш Алоӣ доир ба риоя намудани тавсияи мутахассисони соҳа, истифодаи дурусти ниқоб дар ҷойҳои ҷамъиятӣ ба намояндагони марказҳои саломатӣ тавсияҳо дода, иброз дошт, ки танҳо дар якҷоягӣ бо риояи дурусти тавсияҳои мутахассисон мо метавонем аз сироятёбӣ ба дилхоҳ беморӣ эмин монем.
Ёдовар мешавем, ки ба иттилои Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз интиқолу паҳншавии бемории сироятии коронавирус дар Ҷумҳурии Тоҷикистон, 21 июни соли равон дар мамлакат ҳолатҳои гирифтор шудан ба бемории COVID-19 ба қайд гирифта шуд.
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки санаи 21 июн 17 ҳолат ва 22 июн 15 ҳолати нави гирифторшавии шаҳрвандони мамлакат ба бемории коронавируси нави COVID-19 ба қайд гирифта шудааст.
Дар маҷмӯъ, аз аввали бақайдгирӣ то имрӯз, 22 июн дар кишвар 13340 нафар гирифторони сирояти коронавируси нави COVID-19 ба қайд гирифта шудааст.
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
