Бонки ҷаҳонӣ барои татбиқи «Барномаи ислоҳоти андоз» дар Тоҷикистон 50 миллион доллари амрикоӣ маблағи грантиро тасдиқ намуд
ДУШАНБЕ, 03.06.2021/АМИТ «Ховар»/. Бонки ҷаҳонӣ маблағи грантиро дар ҳаҷми 50 миллион доллари амрикоӣ аз ҳисоби Асотсиатсияи байналмилалии рушд барои татбиқи «Барномаи ислоҳоти андоз» дар Тоҷикистон тасдиқ намуд. Дар ин хусус намояндагии Бонки ҷаҳонӣ дар Тоҷикистон хабар медиҳад.
Лоиҳа дар татбиқи Кодекси андоз дар таҳрири нав ва навсозии низоми андозбандиро бо мақсади таъмини мувозинат байни ҳадафу вазифаҳо дар самти сафарбарнамоии даромади дохилӣ ва рушди бахши хусусӣ дастгирӣ мекунад.
Ҳукумати Ҷумҳурии Тоҷикистон ислоҳоти андозро вазифаи аввалиндараҷа меҳисобад, ки он аҳамияти торафт афзояндаи беҳтар намудани фазои соҳибкорӣ ва сармоягузорӣ ва баланд бардоштани рақобатпазирии иқтисодиёти миллиро инъикос мекунад. Тавассути Кодекси нави андоз, ки ҳоло мавриди баррасии Ҳукумат қарор дорад, кишвар талош дорад, ки мудирияти андозро муосир гардонида, сиёсати андоз ва равандҳои ҷамъоварии даромадҳоро дар асоси таҷрибаи ҷаҳонӣ ба роҳ монад.
Ислоҳоти мазкур дар кӯшишҳои ноилшавӣ ба ҳадафу вазифаҳои «Стратегияи миллии рушд то соли 2030», ки 3,5 маротиба болоравии даромади аҳолӣ ва ду баробар коҳишёбии сатҳи камбизоатиро то соли 2030 пешбинӣ мекунад, ҷузъи муҳим ба ҳисоб меравад. Барои ноил шудан ба ин ҳадаф, Тоҷикистон ба саҳми бахши хусусӣ ниёз дорад, ки он метавонад сармоягузориҳоро бо маблағ таъмин кунад, навовариро дастгирӣ намояд, ҷойҳои корӣ фароҳам оварад ва заминаи содиротро васеъ гардонад.
Айни замон бахши хусусӣ дар Тоҷикистон танҳо аз чор як ҳиссаи ҳаҷми умумии сармоягузориҳоро таъмин менамояд ва камтар аз сеяки маҳсулоти саноатиро истеҳсол мекунад, дар ҳоле ки он танҳо имкониятҳои маҳдуд барои шуғли расмӣ дар иқтисодиёти ҷавон ва рушдёбанда фароҳам меоварад.
Бемории ҳамагири COVID19 ба даромадҳои давлат ва талошҳои ҷамъоварии андоз таъсири манфӣ расонид. Дар баробари ин хароҷоти иҷтимоӣ ва сатҳи қарзи давлатиро боло бурд. Дар чунин шароит татбиқи ислоҳоти андоз аз ин беш хусусияти таъхирнопазириро касб мекунад.
Барномаи ислоҳоти андоз дар Тоҷикистон ба ислоҳоти ҷории андоз бо иҷрои вазифаҳои соддагардонии низоми андоз, баланд бардоштани сифати хизматрасонӣ ба андозсупорандагон ва беҳтар намудани риояи ихтиёрии қонунгузории андоз саҳми худро мегузорад.
Дар давоми шаш соли оянда Лоиҳа аз ҷониби Вазорати молияи Ҷумҳурии Тоҷикистон ва Кумитаи андози назди Ҷумҳурии Тоҷикистон амалӣ мегардад.
«ИСЛОҲОТ ДАР САМТИ ДАСТГИРИИ СОҲИБКОРӢ». Дар Душанбе таҳти ин унвон ҳамоиш доир гардид
Намояндаи Тоҷикистон дар ҷаласаи 14-уми Шурои роҳбарикунандаи Барномаи ҳамкории иқтисодии минтақавии Осиёи Марказӣ иштирок намуд
Роҳбарони корхонаҳои саноати нассоҷию мудофиа ва мошинсозии Туркия ба Тоҷикистон даъват шуданд
Таҳти роҳбарии муовини Сарвазири Тоҷикистон масъалаи омодагии Вилояти Мухтори Кӯҳистони Бадахшон ба зимистон баррасӣ шуд
Дар Тоҷикистон лоиҳаи нави давлатии сармоягузорӣ таҳти унвони «Дастгирии кишоварзӣ дар заминаи ҷомеа плюс» (CASP+) оғоз гардид
Ҳайати Тоҷикистон дар иҷлосияи 20-уми Конфронси кулли UNIDO дар Вена иштирок дорад
ИСТИФОДАИ ОҚИЛОНАИ ЗАМИН. Кишоварзони ноҳияи Ҷайҳун мақсад гузоштаанд истеҳсоли лимӯро ба 7000 тонна расонанд
Губернатори вилояти Свердловск бо фаъолияти Минтақаи озоди иқтисодии «Данғара» ва хоҷагиҳои лимӯпарварии ноҳияи Кушониён шинос шуд
Ғолибони Озмуни ҷумҳуриявии «Беҳтарин содироткунандаи Тоҷикистон» қадрдонӣ шуданд
ОЁ СОҲИБКОРОН АЗ ИМТИЁЗУ САБУКИҲОИ МУҚАРРАРШУДА БА ПУРРАГӢ ОГОҲАНД? Ин масъаларо дар Маркази тадқиқоти стратегӣ баррасӣ намуданд
Губернатори Свердловск дар Тоҷикистон бо НБО-и «Норак» ва ҶСП «Ҷунтай-Данғара Син Силу Текстил» шинос шуд
Дар шаҳри Дубайи Амороти Муттаҳидаи Араб Павилиони миллии Ҷумҳурии Тоҷикистон ташкил мегардад
