Дар деҳаи Ҷарқӯрғони шаҳри Истаравшан маркази саломатӣ, гармхона бунёд шуда, кӯдакистон аз нав барқарор мегардад
ДУШАНБЕ, 10.06.2021 /АМИТ «Ховар»/. Ба истиқболи сазовори ҷашни 30-солагии Истиқлоли давлатии Ҷумҳурии Тоҷикистон дар деҳаи Ҷарқӯрғони Ҷамоати деҳоти Зарҳалоли шаҳри Истаравшан Маркази саломатӣ бунёд мегардад. Бо ин мақсад, 9 июни соли равон раиси шаҳри Истаравшан Адҳам Маъмурзода якҷо бо масъулин аз макони корҳои сохтмонии маркази саломатӣ дидан намуда, бо лоиҳаи он аз наздик шинос шуданд.
Тавре аз маркази матбуоти дастгоҳи раиси шаҳри Истаравшан ба АМИТ “Ховар” хабар доданд, маркази саломатии мазкур бо дастгирии мақомоти иҷроияи ҳокимияти давлатии шаҳр ва сокинони маҳал дар деҳаи Ҷарқӯрғон ба нақша гирифта шуда, бинои мазкур то ҷашни миллӣ мавриди баҳрабардорӣ қарор дода мешавад.
Сипас раиси шаҳри Истаравшан бо ҷараёни корҳои сохтмонии гармхона дар муассисаи таълимии №22-и деҳаи мазкур шинос гардид.
Сохтмони гармхонаи мазкур соли 2021 дар доираи лоиҳаи «Барномаи озуқавории ҷаҳонӣ» пешниҳод ва маблағгузорӣ карда шуда, моҳи апрели соли равон корҳо дар ин самт оғоз гардидаанд.
Ба иттилои масъулин, сохтмони гармхона то таҷлили ҷашни Ваҳдати миллӣ ба итмом расонида шуда, пас аз ба истифода қарор гирифтан дар он сабзавоти барвақтӣ ва меваҳои гуногун парвариш карда мешаванд.
Раиси шаҳри Истаравшан ҳамчунин бо ҷараёни корҳои барқароркунии кӯдакистони аз фаъолият бозмондани деҳаи Ҷарқӯрғон шинос шуд. Барқарорсозии кӯдакистони мазкур соли 2020 бо дастгирии фаъолони деҳа ва соҳибкорони маҳаллӣ оғоз гардида, то ҷашни 30 — солагии Истиқлоли давлатии Ҷумҳурии Тоҷикистон ин муассисаи томактабӣ мавриди баҳрабардорӣ қарор дода мешавад. Баъди ба истифода додани кӯдакистон 200 нафар тарбиятгиранда дар он фаро гирифта мешавад.
Аксҳо аз МИҲД шаҳри Истаравшан
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
