Дар Душанбе густариши ҳамкории Тоҷикистон ва Туркия дар соҳаи гардишгарӣ баррасӣ гардид
ДУШАНБЕ, 16.06.2021 /АМИТ «Ховар»/. Дирӯз муовини Вазири корҳои хориҷии Ҷумҳурии Тоҷикистон Шараф Шерализода бо муовини Вазири фарҳанг ва сайёҳии Ҷумҳурии Туркия Нодир Алпаслон мулоқот намуд. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.
Ҷонибҳо доир ба густариши ҳамкории Тоҷикистон ва Туркия дар соҳаи гардишгарӣ, эҷоди зерсохтори сайёҳӣ, табодули таҷриба байни коршиносон, танзими чорабиниҳои муштарак, иштирок дар намоишгоҳҳои соҳавии якдигар, ҳамкорӣ дар чаҳорчӯби созмонҳои дахлдор ва дигар мавзӯъҳои мавриди эҳтимоли тарафайн бо дарназардошти паёмадҳои ҳамагирии COVID-19 табодули афкор карданд.
Бояд тазаккур дод, ки дирӯз дар Душанбе ҷаласаи навбатии Комиссияи муштараки соҳаи сайёҳии Тоҷикистону Туркия таҳти раисии Роҳбари қисми тоҷикистонии Комиссияи муштарак, раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода ва Роҳбари қисми туркии Комиссияи муштарак, муовини Вазири фарҳанг ва сайёҳии Ҷумҳурии Туркия Нодир Алпаслон баргузор гардид, ки дар он ҷонибҳо раванди татбиқи Барномаи ҳамкорӣ дар соҳаи сайёҳӣ байни ду кишвар, татбиқи иқдомҳои муштарак ва имкониятҳои рушди соҳаи мазкурро мавриди баррасӣ қарор доданд.
АКС аз ВКХ ҶТ
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
Дар Қоҳира масъалаҳои таҳкими ҳамкорӣ дар самти таблиғи фарҳанги сулҳ баррасӣ шуданд
