Дар Душанбе зимни баргузории конфронси муштараки илмию амалӣ масъалаи таҳкими ҳамкорӣ миёни Тоҷикистону Ӯзбекистон баррасӣ шуд

Июнь 3, 2021 14:32

ДУШАНБЕ, 03.06.2021 /АМИТ «Ховар»/. Имрӯз дар Осорхонаи миллӣ бо ташаббуси Маркази тадқиқоти стратегии  назди Президенти Ҷумҳурии Тоҷикистон ва Пажӯҳишгоҳи байналмилалии Осиёи Марказии Ҷумҳурии Ӯзбекистон конфронси муштараки илмию амалӣ дар мавзӯи «Нуқтаҳои нави густариш ва таҳкими ҳамкориҳо байни Ҷумҳурии Тоҷикистон ва Ҷумҳурии Ӯзбекистон» баргузор гардид. Конфронси мазкур дар ҳошияи сафари расмии Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон доир шуда, дар он намояндагони вазорату муассисаҳои марбутаи давлатӣ, марказу пажӯҳишгоҳҳои илмию таҳқиқотӣ, донишмандон, коршиносон ва рӯзноманигорони ватаниву хориҷӣ ширкат намуданд.

Тавре сардори Раёсати таъминоти иттилоотии Маркази тадқиқоти стратегии  назди Президенти Ҷумҳурии Тоҷикистон Зубайдулло Давлатов иброз дошт, муносибатҳои Тоҷикистону Ӯзбекистон дар миёни муносибатҳои минтақавӣ ҷойгоҳи махсусро ишғол менамоянд. Зеро муносибатҳои ин ду давлат муносибатҳои таърихӣ ва анъанавӣ буда, чӣ аз ҷиҳати урфу одат, расму оин, дин ин ду халқ бо ҳам наздик аст.

«Бояд гуфт, ки ҳамкории Тоҷикистону Ӯзбекистон чӣ дар соҳаи иктисод, фарҳанг, саноат, хоҷагии қишлоқ, илму маориф ва тандурустӣ барои ҳарду ҷониб судманд арзёбӣ мешавад. Вақте сухан дар бораи муносибати ду миллати  дӯсту бародар меравад мо  ҳатман Абдураҳмони Ҷомиро бо Алишер Навоӣ мисол меорем. Ба ҳамин монанд дар давраи ҷаҳонишавӣ ду чеҳраи дигари сиёсату таърих, маданияту фарҳанги ҳарду миллат Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев ҳастанд, ки дар даврони навин ва соҳибистиқлолии ҳарду мамлакат асоси сиёсати нави бародаронаи ду давлатро барқарор карданд ва мо имрӯз натиҷаи онро эҳсос мекунем»,-  афзуд  Зубайдулло Давлатов.

Ба зикри мавсуф,  дар  соли 2020 гардиши мол миёни Тоҷикистон ва Ӯзбекистон зиёда аз 500 млн доллари амрикоиро ташкил намуд ва ҳарду давлат  тасмим гирифт, ки дар солҳои минбаъда гардиши молро бо савдои иқтисодӣ ба зиёда аз 1 миллиард доллар расонанд.

Мутахассиси пешбари Раёсати таҳлил ва ояндабинии сиёсати хориҷии  Маркази тадқиқоти стратегии  назди Президенти Ҷумҳурии Тоҷикистон Зилола Икромова иброз дошт, ки «дар солҳои хело кӯтоҳ аз 2018 инҷониб муносибатҳои ҷумҳуриҳои Точикистону Ӯзбекистон дар сатҳи баланд қарор дорад. Ин аз муносибатҳои хубу бародаронаи сарони ду давлат шаҳодат медиҳад. Бо боварӣ метавон гуфт, ки гузаронидани чунин конфронсҳо барои устувории муносибатҳои дуҷонибаи Тоҷикистну Ӯзбекистон нақши асосӣ дошта, умед меравад, ки минбаъд низ ҳамкориҳои  ду давлат дар тамоми соҳаҳо рушд меёбад».

Июнь 3, 2021 14:32

Хабарҳои дигари ин бахш

Дар Киев ҳамкории Тоҷикистон ва Украина дар соҳаи маориф ва илм баррасӣ шуд
Сироҷиддин Муҳриддин бо Фиристодаи махсуси Швейтсария оид ба масъалаҳои об дар Осиёи Марказӣ мулоқот намуд
Даври нахустини машваратҳои сиёсӣ миёни Тоҷикистон ва Баҳрайн баргузор гардид
Террористон метавонанд зери ниқоби гуреза ба Тоҷикистон ворид шаванд
Сироҷиддин Муҳриддин: «То имрӯз ба Тоҷикистон дархост барои фароҳам овардани шароит барои баргузории музокироти байниафғонӣ ворид нашудааст»
Президенти Тоҷикистон бо сафари давлатӣ ба Туркманистон мераванд
Вазири корҳои хориҷии Тоҷикистон сафирони Чин ва Покистонро ба ҳузур пазируфт
Бознашри мақола ва мусоҳибаи Пешвои миллат, Президенти Тоҷикистон дар ВАО-и Ӯзбекистон
Миёни сарвазирони Тоҷикистон ва Қазоқистон гуфтугӯи телефонӣ сурат гирифт
Бознашри мақолаи Президенти Ҷумҳурии Тоҷикистон дар рӯзномаи электронии «Берлинер телеграф»-и Германия
Вазирони корҳои хориҷии Тоҷикистон ва Россия суҳбати телефонӣ анҷом доданд
Дар Душанбе масъалаи таҳвили ваксинаи чинӣ ба Тоҷикистон баррасӣ шуд

Маводҳои таҳлилӣ