Дар Мурғоб даври ноҳиявии Фестивал-озмуни телевизионии эҷодиёти халқ «Андалеб» баргузор гардид
ХОРУҒ, 22.06.2021. /АМИТ «Ховар»/. Дар ноҳияи Мурғоб даври ноҳиявии Фестивал-озмуни телевизионии эҷодиёти халқ «Андалеб» баргузор гардид, ки дар он намояндагони ду миллат- тоҷику қирғиз расму оин, урфу одат, маросимҳои хурсандии худро ба воситаи рақс, оҳангу суруд ва саҳначаҳои ҷолиб пешкаши ҳайати ҳакамон ва тамошобинон гардониданд. Ҳайати ҳакамон ба ҳунару маҳорати иштирочиёни фестивал-озмун баҳои арзанда доданд ва ба беҳтаринҳо барои ширкат дар озмуни вилоятӣ роҳхат дода шуд.
Раиси ҳайати ҳакамон дар ноҳияи Мурғоб Мулкамон Мамадамонов иброз дошт, ки «ин озмун ба ифтихори 30-солагии Истиқлоли давлатии Ҷумҳурии Тоҷикистон бахшида шуда, мавзӯи меҳварии он ҳам инъикоси рӯҳияи хештаншиносӣ, ватандорӣ, ифтихори миллӣ, файзу баракати Истиқлоли давлатӣ, тарғиби арзишҳо ва мероси пурғановати фарҳанги миллӣ, ваҳдату ягонагӣ ва дустӣ байни халқҳои ин сарзамини бостонӣ аст».
«Яке аз хусусиятҳои фарқкунандаи ин фестивал аз фестивалҳои ноҳияҳои дигари вилоят ин буд, ки сарояндагону навозандагон таронаву оҳангҳои тоҷикиву қирғизиро муштарак иҷро мекарданд ва ҳунармандони тоҷик таронаҳои қирғизию ҳунармандони қирғиз баръакс таронаҳои тоҷикиро сароида, «Андалеб»-ро воқеан ба як фестивали дӯстию ҳамабастагӣ ва эҳёи анъанаҳои неки инсонӣ табдил доданд»- афзуд Мулкамон Мамадамонов.
Яке аз дигар шартҳои ин озмун баргузор кардани намоиши ҳунарҳои мардумӣ бо номи «Бозори ҳунар» буд, ки ҳунармадони мардумӣ маҳсулоти дастии худро ба намоиш гузоштанд.Бештари маҳсулоти дастӣ аз маводҳои дастраси маҳалӣ, аз ҷумла устухону пӯсти бузу гӯсфанд ва қутос истеҳсол шудаанд, ки аз ҷиҳати экологӣ поку барои инсон бехатар мебошанд.
АКСҲО: Мақомоти иҷоияи ҳокимияти давлатии ноҳияи Мурғоб
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
