Дар Мурғоб Маркази барқарорсозӣ ва нигаҳдории бабри барфӣ ташкил карда мешавад
ДУШАНБЕ, 25.06.2021/АМИТ «Ховар»/. Масъалаи ташкили Маркази барқарорсозӣ ва нигаҳдории бабри барфӣ дар ноҳияи Мурғоби Бадахшон дар мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо намояндагони Иттиҳодияи ғайридавлатии ҳифзи табиати Германия (NABU) Томас Тенхардет ва Катя Каупсч дар Душанбе баррасӣ гардид.
Дар ин бора ба АМИТ «Ховар» аз Кумитаи ҳифзи муҳити зисти назди Ҳукумати ҷумҳурӣ иттилоъ доданд. Дар мулоқот масъалаҳои ба имзо расонидани Ёддошти тафоҳум оид ба ҳифзи мавзеъҳои зери хатари нобудшавӣ қарордошта ва истифодаи оқилонаи захираҳои табиӣ байни Кумитаи ҳифзи муҳити зисти назди Ҳукумати Ҷумҳурии Тоҷикистон ва Иттиҳодияи ғайридавлатии ҳифзи табиати Германия (NABU), амалишавии лоиҳаҳои нави дуҷониба дар самти ҳифз ва нигаҳдории экосистемаҳо, гузаронидани мониторинг ва зиёд намудани популятсияҳои ҳайвоноти нодири ба Китоби сурх дохилшуда, матраҳ гардиданд.
Раиси Кумитаи ҳифзи муҳити зист Баҳодур Шерализода масъалаҳои амалӣ гардидани чорабиниҳои ба нақша гирифташударо ба миён гузошта, омодагии худро барои ҳамкории минбаъда иброз намуд.
Акс аз Кумитаи ҳифзи муҳити зисти назди Ҳукумати Ҷумҳурии Тоҷикистон
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
