Дар ноҳияи Қубодиён Маркази ҳамкории милитсия бо ҷомеа таъсис ёфт
ДУШАНБЕ, 23.06.2021 /АМИТ «Ховар»/. 21 июн дар ҷамоати шаҳраки Қубодиёни вилояти Хатлон Маркази ҳамкории милитсия бо ҷомеа ифтитоҳ гардид. Маркази мазкур дар заминаи Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятии назди шуъбаи Вазорати корҳои дохилӣ дар ноҳияи Қубодиён таъсис ёфтааст.
Тавре аз Вазорати корҳои дохилии мамлакат ба АМИТ «Ховар» хабар доданд, маркази мазкур аз се утоқи корӣ иборат буда, як ҳуҷраи он барои Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ ва ду утоқи дигар барои нозирони минтақавӣ ҷудо шуда, ҳамаи онҳо бо таҷҳизоти замонавӣ муҷаҳхаз гардидаанд.
«Дар маросими кушодашавии бинои мазкур Ҳамоҳангсози миллӣ оид ба ислоҳоти милитсияи ВКД, полковники милитсия Валихон Ҳамдамзода, муовини сардори Раёсати ВКД дар вилояти Хатлон, генерал-майори милитсия Зикруллоҳ Ҳукуматулло, Раиси ноҳияи Қубодиён Бадриддини Садриддинзода, сардори ШВКД дар ноҳияи Қубодиён, полковники милитсия Зафар Сайфуллозода, намояндаи Сафорати ИМА дар Ҷумҳурии Тоҷикистон Сита Фаррелл ва кормандони сохторҳои дахлдор ва аҳли ҷамоатчигӣ иштирок намуданд.
Раиси ноҳияи Қубодиён Бадриддини Садриддинзода меҳмононро хайрамақдам гуфта, зикр кард, ки Маркази мазкур, пеш аз ҳама барои ба даст овардани обрӯю эътибори кормандони милитсия дар байни аҳолӣ мусоидат карда, дар пешгирии ҳуқуқвайронкуниҳо ва ҷиноятҳо нақши муҳим мегузорад.
Муовини сардори Раёсати ВКД дар вилояти Хатлон Зикруллоҳ Ҳукуматулло таъкид кард, ки Шӯроҳои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Раёсатҳои Вазорати корҳои дохилии Ҷумҳурии Тоҷикистон таъсис дода шудаанд ва сохтмони ин марказ боз як қадами нав дар татбиқи ислоҳоти милитсия хоҳад буд.
Ҳамоҳангсози миллии ВКД-и Ҷумҳурии Тоҷикистон оид ба ислоҳоти милитсия Валихон Ҳамдамзода гуфт, ки «ҷомеа бояд ҳамеша бо мақомоти милитсия робитаи наздик дошта бошад, зеро кушодани гиреҳи ҷиноятҳо ва ошкор намудани ҷинояткорон бе ин ҳамкорӣ мушкил аст. Кормандони мақомоти корҳои дохилӣ имрӯзҳо мавриди таваҷҷуҳу ғамхориҳои пайвастаи Ҳукумати Ҷумҳурии Тоҷикистон қарор дошта, ҳамаҷониба дастгирӣ меёбанд, ки ин ҳама боиси дар байни мардум баланд гардидани нуфузу мартабаи кормандони мақомоти мазкур мебошад. Пас моро зарур аст, ки ҳамеша ҷаҳду талош намоем ва ба боварӣ ва эҳтироми халқ сазовор бошем».
Чорабинӣ дар сатҳи баланд баргузор гардид.
Намояндагии Муассисаи федералии воҳиди давлатии «Хадамоти шиносномадиҳӣ ва раводид»-и Русия дар Тоҷикистон ифтитоҳ гардид
Дар ҷаласаи 28-уми Шурои роҳбарони мақомоти муҳоҷирати давлатҳои иштирокчии Иттиҳоди Давлатҳои Мустақил вазъи муҳоҷират баррасӣ шуд
Беҳтарин тараннумгарони Ватан муайян гардиданд
Душанбе мизбони ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил мегардад
ИМРӮЗ-РӮЗИ АДВОКАТҲО. Асоси ислоҳоти ниҳоди адвокатураи Тоҷикистонро Паёми Президенти Тоҷикистон ба Маҷлиси Олӣ ташкил медиҳад
«МАКТАБИ СИЁСИИ ПЕШВОИ МИЛЛАТ». Дар Кӯлоб Конференсияи IV байналмилалии илмӣ-назариявӣ баргузор гардид
Кумакҳои Пешвои миллат ба зарардидагони офати табиӣ дар ноҳияҳои Нуробод ва Рашт расиданд
Дар Душанбе бо иштироки беш аз 10 ҳазор ҷавони гуногункасб Рӯзи ҷавонони Тоҷикистон бошукуҳ таҷлил шуд
Дар Озарбойҷон оид ба масъалаҳои оила, занон ва кӯдакон дар самти баробарии гендерӣ Ёддошти тафоҳум оид ба ҳамкорӣ ба имзо расид
23 МАЙ — РӮЗИ ҶАВОНОНИ ТОҶИКИСТОН. Дар Бадахшон ҷаласаи Шурои кор бо ҷавонон доир шуд
Бахшида ба Рӯзи ҷавонони Тоҷикистон ҳамоиши занону духтарони шаҳри Душанбе баргузор гардид
ОГОҲӢ. Дар Тоҷикистон 24-25 май боронҳои пуршиддат, сел, жола ва раъду барқ дар назар аст
