Дар Тоҷикистон бори нахуст Олимпиадаи байналмилалӣ оид ба арифметикаи менталӣ бо иштироки 130 нафар кӯдакон аз кишварҳои СҲШ баргузор гардид
ДУШАНБЕ, 24.06.2021 /АМИТ «Ховар»/. Имрӯз дар Литсей-интернати Президентӣ ба муносибати раёсати Ҷумҳурии Тоҷикистон дар Созмони ҳамкории Шанхай (СҲШ) бо супориши Ҳукумати Ҷумҳурии Тоҷикистон, Вазорати корҳои хориҷии Ҷумҳурии Тоҷикистон, Комиссияи миллӣ оид ба корҳои ЮНЕСКО дар Тоҷикистон дар якҷоягӣ бо Академияи STEEM — таҳсилоти Империяи дониш ва иштироки зиёда аз 130 нафар кӯдакон аз кишварҳои СҲШ бори нахуст Олимпиадаи байналмилалӣ оид ба арифметикаи менталӣ баргузор гардид.
Мусобиқоти зеҳнии Олимпиадаи байналмилалӣ оид ба арифметикаи менталӣ имкон медиҳанд, ки омилҳои ҳамкории судмандро, ки дар консепсияи мавҷудият ва фаъолияти СҲШ ҷой дода шудаанд, татбиқ гардад.
Ҳамчунин зикр гардид, ки Ҷумҳурии Тоҷикистон Тоҷикистон як навъ пуле шудааст, ки на танҳо сиёсатмадорон, дипломатҳо ва дигар шахсиятҳоро, балки кӯдаконро ба ҳам васл мекунад, ки дӯстӣ ва таассуроти онҳо тамоми умр боқӣ мемонад ва дӯстони наве, ки онҳо дар рафти муошират пайдо мекунанд, барои муттаҳидшавии бештар ва самараноки кишварҳоямон дар оянда мусоидат намояд.
Таъкид гардид, ки дар давраи раёсати Ҷумҳурии Тоҷикистон дар СҲШ як қатор чорабиниҳо ба нақша гирифта шудаанд, ва ҷамъомади имрӯза ҳамчун нахустин ва муҳим дар доираи ин Созмон ба таърихи СҲШ ворид хоҳад шуд, муҳим барои он аст, ки он бо фарзандони мо бо ояндаи мо иртибот дорад ва имрӯз мо дидем, ки он ҳамчун намояндагони тамоми гулдастаи фарҳангҳои халқҳои кишварҳои СҲШ ояндадор ва гуногунранг хоҳад буд.
Сиёсати хирадмандонаи Пешвои avodart-dutasteride.com, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон ба халқҳои Тоҷикистон имкон медиҳад, ки фарҳанги пурғановат ва анъанаҳои худро дар сатҳи байналмилалӣ муаррифӣ намоянд, инчунин ба корҳои созанда ҷиҳати таҳкими дӯстӣ байни халқҳои тамоми ҷаҳон, аз ҷумла, минтақаи СҲШ машғул шаванд.
Сатҳи баланди байналмилалии баргузории ин чорабинӣ, инчунин муоширати мустақими кӯдакон бо ҳамдигар нишон медиҳанд, ки халқҳои кишварҳои СҲШ дар мисоли худ ҳамбастагӣ ва ҳамдигарфаҳмиро байни худ нишон медиҳанд, кӯшиш мекунанд, ки ғояҳои башардӯстӣ, инчунин ҳамкории дар асоси эҳтироми мутақобила ва риояи манфиатҳои кишварҳои СҲШ бунёдшударо тарғиб кунанд.
Ёдовар мешавем, ки натиҷаи озмун 25 июни соли равон дар муассисаи мазкур ҷамъбаст гардида, ғолибони Олимпиадаи байналмилалӣ оид ба арифметикаи менталӣ бо “Ифихорнома” ва туҳфаҳо қадрдонӣ мегарданд.
АКСҲО: АМИТ «Ховар»
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
Қоҳир Расулзода: «Раёсати Тоҷикистон дар Созмони ҳамкории Шанхай ба иқтисод ва мавқеи ин созмони бонуфуз таҳким бахшид»
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай баргузор гардид
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
ТОҶИКИСТОН ВА СОЗМОНИ ҲАМКОРИИ ШАНХАЙ. Саҳми давлати мо дар таҳкими ҳамкории гуногунҷанба ва баланд бардоштани нуфузи созмон назаррас аст
Ҷаласаи Шурои директорони киностудияҳои кишварҳои аъзои ИДМ доир шуд
Ҳайатҳои иштирокчии ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай ба Тоҷикистон ташриф меоранд
Сарвазири Шурои давлатии Чин барои ҳамкории босифат бо Тоҷикистон дар чаҳорчӯби Ташаббуси «Як камарбанд, як роҳ» изҳори омодагӣ намуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
