Дар Тоҷикистон роҳбари намояндагии БАТР иваз шуд

ДУШАНБЕ, 29.06.2021./АМИТ «Ховар»/. Рика Ишӣ раҳбари нави Бонки Аврупоии Таҷдид ва Рушд (БАТР) дар Тоҷикистон таъйин шуд (ДАР АКС). Дар ин бора АМИТ «Ховар» бо истинод ба хадамоти матбуоти БАТР хабар медиҳад.

Намояндаи БАТР аз 1 сентябри соли 2021 ба иҷрои вазифаҳояш шурӯъ мекунад. Иши Айтен дар ин вазифа Айтен Рустамоваро иваз кард, ки сардори минтақавии БАТР дар Тоҷикистон, Қирғизистон ва Туркманистон таъйин шудааст.

Ба гуфтаи намояндаи бонк, ӯ аз бозгашти дубора ба кори худ дар Осиёи Марказӣ хушҳол аст.

“БАТР солҳои охир дар Тоҷикистон хеле фаъол аст ва ба васеъ намудани дастрасӣ ба маблағҳо барои намояндагони бахши хусусӣ, занони соҳибкор ва модернизатсияи инфрасохтори коммуналӣ мусоидат мекунад”, -зикр кард Ишӣ.

Вай изҳори хоҳиш кард, ки малака ва таҷрибаи худро барои тавсеаи ҳамкории бонк ва ҷумҳурӣ истифода намояд.

Ёдовар мешавем, ки Ишӣ фаъолияти худро дар БАТР соли 1997 оғоз кардааст. Вай дар як қатор кишварҳое, ки амалиётҳои бонкӣ сурат мегиранд,  дар вазифаҳои иқтисодчии калон ва иқтисодчии пешбари соҳавӣ кор кардааст.

То таъйиноти нав вай ҳамчун иқтисоддони пешбари минтақавӣ дар Балкани Ғарбӣ кор мекард.

                                  АКСИ: © хадамоти матбуоти БАТР