ФУТЗАЛ. 5 июн бозии Суперҷоми Тоҷикистон-2021 байни дастаҳои «Соро компания» ва «Сипар» доир мешавад

ДУШАНБЕ, 04.06.2021 /АМИТ «Ховар»/.  Пагоҳ, 5 июн бозии Суперҷоми Тоҷикистон дар соли 2021 оид ба футзал  байни қаҳрамони феълии Тоҷикистон  дастаи «Сипар»-и шаҳри Хуҷанд  ва барандаи Ҷоми кишвар  дастаи футзали «Соро компания» -и шаҳи Душанбе дар маҷмааи Қасри Варзиши шаҳри Хуҷанд соати 16:00 баргузор мешавад.

Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Мавриди зикр аст, ки соли гузашта бозӣ барои Суперҷоми Тоҷикистон оид ба футзал байни дастаҳои «Соро компания»-и шаҳри Душанбе  ва  «Сипар»-и шаҳри Хуҷанд дар шаҳри  Душанбе баргузор шуда, бо пирӯзии  дастаи  футзали «Сипар»-и шаҳри Хуҷанд  бо натиҷаи 4:2 ба анҷом расида буд.

                                                                                                                     Акс аз ФФТ