Гулчеҳра Қоҳирова: «Иштироки Тоҷикистон дар баргузории Рӯзи астероидҳо барои баланд бардоштани эътибори кишвар дар ҷомеаи ҷаҳонӣ аҳамияти калон дорад»
ДУШАНБЕ, 30.06.2021 /АМИТ «Ховар»/. Ҳар сол 30 июн ситорашиносони ҷаҳон Рӯзи астероидҳоро ҷашн мегиранд. Санаи мазкур бо қарори Ассамблеяи Генералии СММ 6 декабри соли 2016 эълон шуда буд. Ҳадафи баргузории он — баланд бардоштани сатҳи огоҳии аҳли ҷомеаи ҷаҳон дар бораи хатари бархӯрд бо астероидҳо мебошад. Ҳар рӯз зиёда аз 100 тонна маводи кайҳонӣ аз боқимондаҳои астероидҳо ва кометаҳо ва «хокрӯбаҳо» -и гуногуни кайҳонӣ ба Замин фурӯ мерезанд. Аксари ин ҷисмҳо ҳанӯз дар атмосфера тахриб мешаванд. Рӯзи байналмилалии астероидҳо -чорабинии умумиҷаҳонӣ аст, ки ба паҳн кардани иттилоот дар бораи астероидҳо ва дигар ҷисмҳои кайҳонӣ, хатаре, ки бархӯрд бо онҳо метавонад ба бор биоварад ва мо барои ҳифзи сайёраи худ чӣ кор карда метавонем, нигаронида шудааст.
Тавре директори Пажӯҳишгоҳи астрофизикаи Академияи миллии илмҳои Тоҷикистон Гулчеҳра Қоҳирова зимни мусоҳиба бо хабарнигори АМИТ «Ховар» зикр кард, иштироки Тоҷикистон дар таҷлили Рӯзи астероидҳо барои оммавигардонии донишҳои астрономӣ дар байни мактаббачагон, донишҷӯён ва шаҳрвандони Ҷумҳурии Тоҷикистон аҳамияти калон дорад. “Илова бар ин, нуфузи Тоҷикистон дар ҷомеаи ҷаҳонӣ ҳамчун ноқили ташаббусҳои осоиштаи шаҳрвандии СММ меафзояд”, — таъкид кард мусоҳиб.
Ба гуфтаи вай, дар робита бо ин сана Пажӯҳишгоҳи астрофизикаи Академияи миллии Тоҷикистон 29 июн дар бинои пажӯҳишгоҳ ва Расадхонаи астрономии Ҳисор мизи мудаввар баргузор намуд.
Тавре роҳбари пажӯҳишгоҳи илмӣ шарҳ дод, дар мизи мудаввар олимон, донишҷӯёни донишгоҳҳо ва дӯстдорони астрономия фаъолона ширкат варзиданд.
Олимони Пажӯҳишгоҳи астрофизикаи АМИТ бо муаррифиҳои илмӣ — оммавӣ баромад карданд, маърӯзаҳо намуда, рӯйдодҳои гуногуни астрономиро шарҳ доданд. Қисми дуюми чорабинӣ дар Расадхонаи астрономии Ҳисор баргузор гардид, ки дар он донишҷӯён ва ҳаводорони астрономия бо телескопҳо ва панорамаи расадхона шинос шуданд.
“Аз тариқи ин кори тавзеҳотӣ оид ба донишҳои астрономӣ дар байни донишҷӯён ва дӯстдорони астрономия обрӯи Ҷумҳурии Тоҷикистон дар ҷомеаи ҷаҳонӣ бо мақсадҳои осоишта барои ташаббусҳои шаҳрвандии Созмони Милали Муттаҳид баланд бардошта шуд. Чорабиниҳо ба муносибати Рӯзи астероидҳо дар Тоҷикистон аз ҷониби ҷомеаи байналмилалии илмӣ дар сатҳи баланд арзёбӣ шуданд”, — гуфт дар хотима Гулчеҳра Қоҳирова.
АКС: Пажӯҳишгоҳи астрофизики АМИ ҶТ
РУШДИ САЙЁҲӢ. Дар шаҳри Бӯстон барои ҳунармандони истеҳсолкунандаи армуғон озмун эълон гардид
Нақши тоҷикон дар ташаккул ва рушди Роҳи бузурги Абрешим дар Душанбе баррасӣ шуд
«ДУРАХШИ АХТАРОН: ҶОМӢ ВА НАВОӢ». «Тоҷикфилм» ва «Узбекфилм» санҷиши видеоии ҳунарпешаҳоро барои ин филм оғоз намуданд
«ТОҶИКИСТОН-ВАТАНИ АЗИЗИ МАН». Аз 25 то 30 сентябр даври сеюми озмуни ҷумҳуриявӣ баргузор мегардад
Дар Осорхонаи миллии Тоҷикистон доир ба ҳунарҳои мардумӣ намоиш баргузор мегардад
«ОЗАР». Дар Тоҷикистон бори аввал Фестивали байналмилалии ҳунармандӣ баргузор мегардад
«ҚАДРШИНОСИИ ҲУНАРИ АСИЛ». Дар Душанбе Синамоҷоизаи дуюми миллии «Тоҷи Сомон» доир мегардад
«ТОҶИКОН ДАР ОИНАИ ТАЪРИХ. АЗ ОРИЁН ТО СОМОНИЁН». Ин асари таърихии Пешвои миллат бо забони кореягӣ рӯнамоӣ гардид
«ОБУ НОНАМ, ҶИСМУ ҶОНАМ, ОРМОНАМ, ТОҶИКИСТОН!». Ду шеъри шоир Камол Насрулло эҳдо ба 33-солагии Истиқлолияти давлатии Тоҷикистон
ИСТИҚЛОЛИЯТИ ДАВЛАТӢ. Он барои миллати тоҷик эҳёи навин, ҳосили хиради зотӣ ва подоши сазовори таърихӣ мебошад
«ЗИ ДУРИИ ЗАМОНАҲО РАСИДАЕМ…». Имрӯз аз қабули Суруди миллии Тоҷикистон 30 сол сипарӣ мегардад
Китоби «Қонуни тиб»-и Абуалӣ ибни Сино барандаи Шоҳҷоизаи озмуни байналмилалӣ шуд
