Хадамоти муҳоҷират: Шаҳрвандон бояд то 30 июни соли равон буду боши худро дар Федератсияи Россия ба расмият дароранд

Июнь 4, 2021 16:35

ДУШАНБЕ, 04.06.2021. /АМИТ «Ховар»/. То 30 майи соли равон ба дастгоҳи марказии Хадамоти муҳоҷират ва зерсохторҳои он 17804 нафар шаҳрвандон бо дархост муроҷиат кардаанд, ки аз онҳо 17118  нафар шифоҳӣ, 40 нафар  муроҷиати  хаттӣ ва 646 нафари онҳо тавассути телефони боварӣ муроҷиат намудаанд. Ҳангоми санҷиши шаҳрвандон пеш аз сафар ба Федератсияи Россия, зиёда аз панҷ ҳазор нафар, ки дар рӯйхати мамнӯъшудагон дар маҳзани маълумоти Хадамоти муҳоҷират ворид гардида буданд,  аз сафари бебарор баргардонида шуданд.

Дар ин бора аз маркази матбуоти Хадамоти муҳоҷират ба АМИТ “Ховар” хабар доданд.

Тибқи иттилои манбаъ, асосан муроҷиаткунандагон оид ба  масъалаҳои муайян намудани ҳолати беруншавӣ (депортатсия) аз Федератсияи Россия, қонунгузории  кишвари кордиҳанда, оид ба гирифтани патент дар Федератсияи Россия, барқарор намудани  ҳуҷҷатҳои  гумшуда, кумаку ёрӣ расонидан барои ба Ватан баргаштани хешовандон ва ғайра муроҷиат менамоянд.

Ҳамзамон Хадамоти муҳоҷират ҷиҳати таъсиси ҷойҳои кории нав ва дар ин замина паст намудани шиддати муҳоҷирати мехнатӣ ба хориҷа, ки яке аз масъалаҳои муҳими рӯз маҳсуб меёбад, ҳамкориро бо мақомотҳои дахлдори ҷумҳурӣ ба роҳ монда, масъалаи мазкурро таҳти назорати доимии худ қарор додааст.

Мавриди зикр аст, ки зимни додани иҷозатномаи фаъолият барои ҷалби қувваи кории хориҷӣ ба масъалаи таъсиси ҷойҳои кории нав ва бокортаъминкунии шаҳрвандони кишварамон дар ин субъектҳои хоҷагидор афзалият дода мешавад. Бо ин мақсад дар соли 2020 ширкатҳое, ки мутахассисони хориҷиро ба Ҷумҳурии Тоҷикистон ҷалб намудаанд, дар баробари онҳо 34 528 нафар ва дар панҷ моҳи соли 2021 бошад 12 670 нафар шаҳрвандони ҷумҳуриро  бо ҷои кор таъмин намудаанд.

Ногуфта намонад, ки дар ин муддат аз ҷониби кормандони масъули раёсатҳо, шуъбаҳо ва бахшҳои Хадамоти муҳоҷират дар вилоятҳои Хатлону Суғд, ВМКБ ва шаҳру ноҳияҳо дар ҳамкорӣ бо мақомоти иҷроияи маҳаллии ҳокимияти давлатӣ ва дигар мақомоти дахлдор бо аҳолии  ВМКБ, вилоятҳои Суғду   Хатлон,    шаҳру ноҳияҳои тобеи ҷумҳурӣ  ва  шаҳри Душанбе  1585 вохӯрӣ ва суҳбатҳо  гузарониданд.  Ҳадаф аз гузаронидани чунин вохӯриҳо, пеш аз ҳама  фаҳмонидани фармони Президенти Федератсияи Россия «Дар бораи чораҳои ҳуқуқӣ оид ба танзими вазъи ҳуқуқии шаҳрвандони хориҷӣ ва шахсони бешаҳрвандӣ дар давраи пандемияи COVID -19» мебошад.

Боиси зикр аст, ки шаҳрвандони Ҷумҳурии Тоҷикистон, ки айни замон дар қаламрави Федератсияи Россия қарор доранд ва бо сабабҳои гуногун дар қайди муҳоҷиратӣ худро нагузоштанд, ҳуқуқвайронкунии маъмурӣ ва ҳуқуқвайронкунии дигар надоранд, бояд ба шуъбаҳои кор бо муҳоҷирати ноҳияҳои Вазорати корҳои дохилии Федератсияи Россия муроҷиат намуданд, худро ба қайд гиранд ва буду боши худро дар Россия тамдид намоянд. Тибқи фармони мазкур, агар шаҳрвандони ҷумҳурӣ буду боши худро дар​ Федератсияи Россия​ то 30 июни соли​ равон ба расмият надароранд, ба таври худкор ба руйхати шахсоне, ки вурудашон ба Федератсияи Россия мань аст, шомил мешаванд.

Хадамоти муҳоҷират бори дигар аз муҳоҷирони меҳнатӣ — шаҳрвандони ҷумҳурӣ хоҳиш менамояд, ки барои муайян ва огоҳ намудани онҳо ҷиҳати расмикунонии буду бош дар Федератсияи Россия ба Хадамоти муҳоҷират ва сохторҳои он дар шаҳру ноҳияҳои мамлакат муроҷиат намоянд.

АКС аз Хадамоти муҳоҷират

Июнь 4, 2021 16:35

Хабарҳои дигари ин бахш

Вазорати меҳнат пешниҳоди баланд бардоштани синни баромадан ба нафақаро дастгирӣ накард. Чаро? Роҳбари ин ниҳод Ширин Амонзода шарҳ медиҳад
Ба раванди таълим нафарони ғайриихтисос низ ҷалб шудаанд,-бардошт аз нишасти матбуотӣ
Ба хотири рушди фаъолияти соҳибкории занон 80 лоиҳаи мақсаднок дастгирӣ ёфт
Пагоҳ Кумитаи андоз, Хадамоти гумрук, Агентии омор, Агентии хизмати давлатӣ нишасти матбуотӣ баргузор менамоянд
Дар ноҳияи Лахш сели пиряхӣ ба амал омад
Пагоҳ Кумитаи забон ва истилоҳот, Кумитаи кор бо занон ва оила, Агентии назорат дар соҳаи маориф ва илм, Мақомоти шаҳри Душанбе, ШСХК «Барқи Тоҷик» нишасти матбуотӣ баргузор менамоянд
Имрӯз Вазорати саноат ва технологияҳои нав, Вазорати меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, Кумитаи кор бо ҷавонон ва варзиш нишасти матбуотӣ баргузор менамоянд
Дар заминаи Академияи идоракунии давлатӣ магистратураи «Мактаби давлатдории Эмомалӣ Раҳмон» таъсис дода шуд
Бахшида ба 30-солагии Истиқлоли давлатӣ Атласи пиряхҳои Тоҷикистон ва гиёҳҳои шифобахши он ба нашр мерасад
Пагоҳ Вазорати саноат ва технологияҳои нав, Вазорати меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, Кумитаи кор бо ҷавонон ва варзиш нишасти матбуотӣ баргузор менамоянд
Имрӯз Вазорати корҳои хориҷӣ, Агентии авиатсияи гражданӣ, Академияи миллии илмҳо, КВД «Хоҷагии манзилию коммуналӣ» нишасти матбуотӣ баргузор менамоянд
26-28 июл дар бархе минтақаҳои алоҳидаи Тоҷикистон сар задани селҳои маҳаллӣ ва пиряхӣ дар назар аст

Маводҳои таҳлилӣ