Завқӣ Завқизода бо Мирҷана Сполярич Эггер тавсеаи ҳамкориии Тоҷикистон бо БРСММ-ро баррасӣ намуданд
ДУШАНБЕ, 22.06.2021. /АМИТ «Ховар»/. Тавсеаи ҳамкории Ҷумҳурии Тоҷикистон бо Барномаи рушди Созмони Миллаи Муттаҳид /БРСММ/ дар мулоқоти Вазири рушди иқтисод ва савдои Ҷумҳурии Тоҷикистон Завқӣ Завқизода бо Директори Бюрои минтақавии БРСММ оид ба Аврупо ва ИДМ хонум Мирҷана Сполярич Эггер дар Душанбе баррасӣ гардид. Дар ин хусус ба АМИТ «Ховар» аз Вазорати рушди иқтисод ва савдои ҷумҳурӣ иттилоъ доданд.
Завқӣ Завқизода зикр намуд, ки бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон Вазорати рушди иқтисод ва савдо бо БРСММ дар самти татбиқи Ҳадафҳои рушди устувор ва Стратегияи миллии рушди Ҷумҳурии Тоҷикистон барои давраи то соли 2030 ҳамкории зич дошта, бо дастгирии БРСММ Тоҷикистон аввалин кишваре буд, ки соли 2017 «Ҳисоботи ихтиёрии миллӣ»-и худро дар мулоқоти сатҳи баланд дар шаҳри Ню — Йорки Амрико муваффақона муаррифӣ намуд. Ҳамзамон соли 2018 Ҳисоботи миллӣ оид ба ҷараёни татбиқи ҳуҷҷатҳои стратегии кишвар дар ҳошияи Ҳазорсолаи Рушди Устувор /ҲРУ/ гузаронида шуд, ки барои таҳлили минбаъдаи татбиқи ҲРУ заминаи асосӣ гузошт.
Зикр шуд, ки дар ҳамкорӣ бо БРСММ ҷиҳати таъмини суботи макроиқтисодӣ, коҳиши вобастагии иқтисоди миллӣ аз таъсироти беруна, баланд бардоштани рақобатпазирӣ ва диверсификатсияи истеҳсолот, Вазорати рушди иқтисод ва савдо «Барномаи миёнамӯҳлати рушди Ҷумҳурии Тоҷикистон барои солҳои 2021-2025» -ро таҳия намуд, ки барои милликунонии ҲРУ дар кишвар мусоидат менамояд.
Гуфта шуд, ки айни замон дар ҳамкорӣ бо БРСММ як қатор лоиҳаҳо дар Тоҷикистон ҷиҳати боло бурдани сатҳи некӯаҳволии мардум амалӣ шуда истодааст. Завқӣ Завқизода аз ҷониби БРСММ дархост намуд, ки ҷиҳати сафарбар намудани маблағҳои иловагӣ барои лоиҳаи кишвар ва амалисозии нақшаҳои минбаъдаи ҷониби Тоҷикистон, аз ҷумла таҳияи шарҳи пурраи татбиқи «Барномаи миёнамуҳлати рушди Ҷумҳурии Тоҷикистон барои солҳои 2016-2020» ва муаррифии он дар ҷаласаи Шӯрои Миллии Рушд /ШМР/, тақвияти иқтидори Котиботи ШМР, инчунин таҳияи ҳисоботи ихтиёрии миллӣ дар соли 2022 мусоидат намоянд.
Мусоҳибон дар анҷом омодагии худро ҷиҳати густариши минбаъдаи ҳамкорӣ дар самтҳои зикршуда, ки дар маҷмӯъ ба устувории макроиқтисодӣ мусоидат менамоянд, баён доштанд.
Акс аз Вазорати рушди иқтисод ва савдои ҶТ
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
