Намояндагони Академияи идоракунӣ дар Форуми байналмилалии илмӣ дар Федератсияи Россия иштирок намуданд
ДУШАНБЕ, 30.06.2021 /АМИТ «Ховар»/. Аз 24 то 26 июни соли равон дар шаҳри Санкт-Петербурги Федератсияи Россия бо ташаббуси Донишкадаи идоракунии Шимолу-Ғарбии Академияи хоҷагии халқ ва хизмати давлатии назди Президенти Федератсияи Россия Форуми байналмилалии илмӣ таҳти унвони «Эътимод ва рушди устувор дар шароити номуайянӣ: мафҳумҳои нави идоракунии давлатӣ дар давраи рақамӣ» баргузор гардид.
Тавре аз Академияи идоракунии назди Президенти Ҷумҳурии Тоҷикистон ба АМИТ «Ховар» иттилоъ доданд, дар Форуми мазкур ректори Академияи идоракунии давлатии назди Президенти Ҷумҳурии Тоҷикистон, доктори илмҳои ҳуқуқшиносӣ, профессор Абдухалил Ғафурзода ва ноиби ректор оид ба робитаҳои байналмилалӣ Сомон Исматов иштирок намуданд.
Форум дар 12 бахш дар мавзӯъҳои гуногунсамт гузаронида шуд, ки дар онҳо зиёда аз 100 нафар коршиносони варзида аз Федератсияи Россия, кишварҳои ИДМ, Осиё ва Аврупо дар мизҳои мудаввар, мубоҳисаҳо ва лексияҳои кушод баромад намуданд.
Ректори Академияи идоракунии давлатии назди Президенти Ҷумҳурии Тоҷикистон доктори илмҳои ҳуқуқшиносӣ, профессор Абдухалил Ғафурзода дар бахши 4-ум Форум – «Боварӣ ва шарикии кишварҳо дар доираи ассотсиатсияҳои ҳамгироӣ (Иттиҳоди иқтисодии Авруосиё, СҲШ, БРИКС, АСЕАН) бо мақсади рушди устувори бисёр қутба» дар мавзӯи «20 соли СҲШ: нақши Ҷумҳурии Тоҷикистон дар ташаккул ва рушди созмон» баромад намуданд.
Бояд зикр намуд, ки чорабинии мазкур барои рушди муколама байни давлат, ҷомеаи тиҷоратӣ ва шаҳрвандон, марказҳои академии Россия ва давлатҳои хориҷӣ оид ба масъалаҳои мубрами идоракунии давлатӣ ҳамчун талаботи дахлнопазири рушди устувор равона гардида буд.
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
