Ғолибони Ниммарафони байналмилалӣ дар шаҳри Душанбе муайян шуданд

Июнь 14, 2021 08:21

ДУШАНБЕ, 14.06.2021 /АМИТ «Ховар»/. Тавре қаблан хабар додем, 13  июн дар шаҳри Душанбе дар доираи раёсати Ҷумҳурии Тоҷикистон дар Созмони ҳамкории Шанхай (СҲШ), Ниммарафони байналмилалӣ баргузор гардид.

Тавре  аз Федератсияи варзиши сабуки Тоҷикистон  ба  шореҳи варзиши АМИТ «Ховар» Меҳрони Қурбон хабар  доданд, дар ниммарафони мазкур  ҳудуди 400 нафар, аз ҷумла варзишгарон аз кишварҳои Германия, Япония, Россия, Ӯзбекистон ва Тоҷикистон ширкат варзиданд.

Масофаи ниммарафон 21 километру 97 метрро ташкил дода, иштирокчиён дар масири кӯчаи Исмоили Сомонӣ-70 тавассути хиёбони Ҳофизи Шерозӣ то маҳалли Чорбоғ, аз он ҷо тавассути хиёбони Рӯдакӣ то Майдони Дӯстӣ давиданд.

Кумитаи тадорукот барои 5 ҷои аввал миёни мардон ва 5 ҷой миёни бонувон ҷоизаҳо муқаррар карда буд.

Миёни мардҳо намояндаи Ӯзбекистон Шоҳрух Давлатов бо натиҷаи 1:09.08 якум шуда ба марра расид.  Шоҳрух Давлатов дар Ниммарафони Душанбе моҳи апрел низ ҷои аввалро ишғол карда буд.

Чор ҷои боқимондаро варзишгарони Тоҷикистон сазовор шуданд. Самариддин Азимов бо натиҷаи 1:14.17 ҷои дуюм, Ғайрат Олимов бо натиҷаи 1:14.41 зинаи  сеюм, Бобоҷон Яқинов бо натиҷаи 1:17.27  мақоми  чорум ва Меҳробҷон Одинаев бо натиҷаи 1:17.41 ҷои  панҷумро  сазовор  гардиданд.

Миёни бонувон низ намояндаи Ӯзбекистон Азизахон Мирзоакбарова бо натиҷаи 1:21.43 мақоми аввалро ишғол кард. Чор ҷои ифтихории дигар насиби варзишгарони Тоҷикистон шуд: Маҳина Баротова бо натиҷаи 1:34.09 ҷои дуюм, Зулҳиҷҷа Ғаффорзода бо натиҷаи 1:38.12  мақоми  сеюм, Раҷабмоҳ Абдуллоева бо натиҷаи 1:45.15 зинаи  чорум ва  Манижаи Рамазон бо натиҷаи 1:48.23 ҷои панҷумро ишғол намуданд.

Кумитаи тадорукот барои ҷойҳои  аввал 1500 доллари ИМА,  дуюм 800 доллар,  сеюм 600 доллар, барои мақоми  чорум 500 доллар ва барои ҷои панҷум 300 доллари ИМА ҷоизапулӣ тақдим кард. Инчунин ба иштирокчиён медали хотиравии «Ниммарафони ҷашни 20-солагии СҲШ» дар Душанбе супорида шуд.

Июнь 14, 2021 08:21

Хабарҳои дигари ин бахш

Варзишгарони тоҷик дар Чемпионати Осиёи Марказӣ оид ба варзиши сабук 8 медал ба даст оварданд
Тоҷикистон дар Мусобиқаи 48-уми байналмилалии «King’s Cup 2022» соҳиби ҷом ва медали тилло шуд
«KING’S CUP 2022». Имрӯз мунтахабҳои Тоҷикистон ва Малайзия дар финали мусобиқа рақобат мекунанд
Тоҷикистон дар даври ниҳоии мусобиқаи «King’s Cup 2022» бо дастаи мунтахаби Малайзия бозӣ мекунад
Дар Душанбе Фестивали «Рушди бозиҳои миллии варзишӣ — омили муҳими шинохти миллат» баргузор мешавад
Тоҷикистон баъди ғалаба бар дастаи мунтахаби Тринидад ва Тобаго ба финали мусобиқаи «King’s Cup 2022» роҳ ёфт
ФУТБОЛ. Дастаи мунтахаби Тоҷикистон бо Тринидад ва Тобаго дар Мусобиқаи байналмилалии «King’s Cup 2022» бозӣ мекунад
Варзишгарони тоҷик дар Чемпионати кушоди Осиёи Марказӣ оид ба варзиши сабук дар Узбекистон иштирок мекунанд
Варзишгари тоҷик Нурулло Алиев пас аз пирӯзӣ бар ҳарифаш ба UFC роҳхат ёфт
Ғолибони Мусобиқаи 9-уми байналмилалӣ оид ба гӯштини дзюдо барои дарёфти Ҷоми Президенти Тоҷикистон муайян шуданд
ФУТЗАЛ. Дастаи мунтахаби Тоҷикистон ба Дубай сафар кард
ҶОМИ ПРЕЗИДЕНТИ ТОҶИКИСТОН ОИД БА ДЗЮДО. Варзишгарони тоҷик дар рӯзи якуми мусобиқаи байналмилалӣ соҳиби медалҳои тилло шуданд