Пайвастани Панҷакент бо Самарқанд тавассути шохаи роҳи оҳан ба нақша гирифта шудааст

Июнь 7, 2021 14:01

ДУШАНБЕ, 07.06.2021 /АМИТ «Ховар»/. Лоиҳаи сохтани қитъаи роҳи оҳани «Панҷакент (Тоҷикистон) — истгоҳи Булунгур / истгоҳи Ҷамбай / истгоҳи Фабрика (Ӯзбекистон)» зимни мулоқоти муовини Вазири нақлиёти Тоҷикистон Шоиста Саидмуродзода ва муовини Вазири нақлиёти Ӯзбекистон Абдусамат Мӯъминов муҳокима шудааст, хабар медиҳад Вазорати нақлиёти Тоҷикистон.

Дар мулоқот инчунин лоиҳаи созишнома байни ҳукуматҳои ду кишвар «Дар бораи транзити молҳои хатарнок аз тариқи қаламрави Ӯзбекистон» баррасӣ шудааст.

Илова бар ин, ҷонибҳо имконоти барқарор кардани робитаи ҳавоӣ байни ду кишварро бо риояи талаботи зидди эпидемиологӣ, инчунин барқарорсозии ҳамлу нақли борҳоро тавассути қитъаи роҳи оҳани «Бекобод-Истиқлол-Бекобод» ва ҳамлу нақли автомобилии борҳоро аз тариқи нуқтаи назоратӣ — гузаргоҳии «Патар-Андархон» баррасӣ карданд.

Дар фарҷоми мулоқот оид ба масъалаҳои баррасишуда  ҷонибҳо протоколи дахлдорро имзо карданд, -зикр  мекунад Вазорати нақлиёт.

Ёдовар мешавем, ки 10-12 июни соли равон сафари расмии Президенти Ӯзбекистон Шавкат Мирзиёев ба Тоҷикистон баргузор мешавад. Оид ба натиҷаҳои сафар ҷонибҳо як зумра  асноди нави бунёдиро барои ҳамкории минбаъда имзо хоҳанд кард.

АКС аз бойгонӣ 

Июнь 7, 2021 14:01

Хабарҳои дигари ин бахш

Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд
Тоҷикистон ният дорад то соли 2035 партовҳои газҳои гулхонаиро то 40 фоиз коҳиш диҳад
Рӯзи Президенти Тоҷикистон яке аз санаҳои муҳими тақвими сиёсию фарҳангии ҷумҳурӣ ба шумор меравад
Дар Фурудгоҳи байналмилалии Душанбе ба дастовардҳои даврони соҳибистиқлолии Тоҷикистон арҷ мегузоранд
АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад