Шарҳи Вазири рушди иқтисоди Россия дар бораи он ки чаро иқтисоди кишварҳои СҲШ дар давраи пандемия пойбарҷой монд

Июнь 23, 2021 12:15

ДУШАНБЕ, 23.06.2021/АМИТ «Ховар»/. Дар Форуми иқтисодии СҲШ дар Душанбе Вазири рушди иқтисоди Россия Максим Решетников изҳор дошт, ки суқути иқтисодиёти кишварҳои узви ин созмон дар ҷамъбасти соли 2020 назар ба коҳиши иқтисоди ҷаҳонӣ ба ҳисоби миёна хеле камтар аст. Дар ин бора имрӯз «Sputnik» хабар додааст.

Ба гуфтаи вай, чунин «шароити мусоид» — натиҷаи он аст, ки кишварҳо сиёсати хирадмандонаи зиддибӯҳрониро дунбол намуданд.

Ба қавли ӯ, ҳама чиз пеш аз ҳама ба нигоҳ доштани ҷойҳои корӣ ва даромадҳои шаҳрвандон, дастгирии соҳибкорӣ, аз нав фаъол намудани силсилаи сармоягузорӣ, суръат бахшидан ба рушди рақамӣ ва инноватсионии иқтисодиёт равона шуда буд.

Илова бар ин, ба гуфтаи вазир, ҳоло маҳруки (траекторияи) барқароршавии иқтисодиёт аз он чизе, ки интизор мерафт пештар аст ва он ба нишондиҳандаҳои миёнаи соли 2019 баргаштааст.

Роҳбари Вазорати рушди иқтисод зикр  кард, ки пандемия равандҳои пеш аз оғози он аёншударо тезонид ва маҷбур кард, ки ба кори ҳалли  вазифаҳое, ки барои ҳалли онҳо дар шароити муқаррарӣ солҳо сарф мешуд, суръат бахшида шавад.

«Сухан дар бораи рақамисозӣ ва рушди экосистемаҳои рақамӣ меравад. Рушди иқтисоди рақамӣ, тиҷорати электронӣ ва инноватсия омилҳои асосии рушди иқтисодӣ барои ҳар як кишвари мо ва дар маҷмӯъ барои СҲШ мебошанд», — таъкид кард Решетников.

Ёдовар мешавем, ки Форуми иқтисодии СҲШ дар сатҳи вазирони иқтисод ва робитаҳои иқтисодии хориҷӣ дар Душанбе 23-24 июн дар мавзӯи «Таҳкими ҳамкорӣ дар соҳаи иқтисоди рақамӣ, тиҷорати электронӣ ва инноватсия» сурат мегирад.

Иштирокчиёни форум масоили ҷорӣ намудани системаи ҳукумати электронӣ, рушди иқтисоди рақамӣ, таблиғ ва истифодаи афзалиятҳои тиҷорати электрониро дар фазои СҲШ баррасӣ мекунанд.

АКСИ: © Sputnik / Евгений Биятов

Июнь 23, 2021 12:15

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд