Соҳибкорони муваффақ дар бунёди иншооти ҷашнии ноҳияи Ванҷ саҳми назаррас мегузоранд
ДУШАНБЕ, 02.06.2021/АМИТ «Ховар»/. Гурӯҳи кории Кумитаи рушди сайёҳии назди Ҳукумати Ҷумҳурии Тоҷикистон бо мақсади иҷрои дастуру ҳидоятҳои Пешвои миллат муҳтарам Эмомалӣ Раҳмон ҷиҳати тавсеаи корҳои ободонию созандагӣ бахшида ба 30-солагии Истиқлоли давлатӣ ба ноҳияи Ванҷ сафар намуданд. Дар ин сафар, ки ҳадафи он шиносоӣ аз ҷараёни корҳои созандагию бунёдкорӣ дар иншооти ҷашнӣ аст, гурӯҳи кориро соҳибкорони муваффақ ва фаъоли ноҳияи Ванҷ, ки дар дигар минтақаҳои мамлакат фаъолият доранд, ҳамроҳӣ карданд.
Дар ин бора аз Кумитаи рушди сайёҳии ҷумҳурӣ ба АМИТ «Ховар» иттилоъ доданд.
Ҳадафи гирд овардани соҳибкорон ва шахсони барӯманди ноҳияи Ванҷ барои тақвияти раванди омодагиҳо ба таҷлили 30-солагии Истиқлоли давлатии Ҷумҳурии Тоҷикистон тавассути бунёду роҳандозии корҳои ободонӣ, сохтмони иншооти иҷтимоӣ, аз қабили боғчаҳои томактабӣ, мактабҳо, толорҳо ва майдончаҳои варзишӣ ва корхонаҳои саноатию агросаноатӣ мебошад.
Бо дарназардошти ниёзи бештари аҳолӣ бо дастгирии давлату ҳукумати кишвар соҳибкорони маҳаллӣ дар минтақаҳои дурдасти ноҳия меҳмонхонаву ошхонаҳо, марказҳои хизматрасонӣ, иншооти варзишӣ, боғчаҳо, марказҳои фароғатӣ, сартарошхонаву кошонаи ҳусн, ҳаммом ва бунгоҳҳои тиббӣ бо ҳуҷраҳои хатнаи писарбачагон бунёд месозанд.
Айни замон дар ҷамоати деҳоти Техарв ва Ҷовидони ноҳия иншооти варзишӣ, маркази хизматрасонию ҳунармандӣ ва дар мавзеъҳои хушбоду ҳаво сохтмони меҳмонхонаву осоишгоҳ ба нақша гирифта шудааст.
Гурӯҳи корӣ дар маркази ноҳияи Ванҷ дар ҷамъомади идона бахшида ба Рӯзи ҷаҳонии муҳофизати кӯдакон ва 30-солагии Истиқлоли давлатии Ҷумҳурии Тоҷикистон, ки бо иштироки таълимгирандагони кӯдакистону муассисаҳои таълимии ноҳия баргузор гардид, иштирок намуданд. Кормандони ширкати сайёҳии «Сайри Ванҷ» ба кӯдакон туҳфаҳо тақдим намуданд.
Ёдовар мешавем, ки бо ташаббуси Кумитаи рушди сайёҳӣ ҷиҳати иҷрои Амри Президенти Ҷумҳурии Тоҷикистон дар бораи таҷлили 30-солагии Истиқлоли давлатии Ҷумҳурии Тоҷикистон моҳи марти соли равон дар шаҳри Душанбе бо иштироки васеи соҳибкорони муваффақи ноҳияи Ванҷ вохӯрӣ баргузор гардида, масъалаи ҷиҳати саривақт ва босифат анҷом додани корҳои бунёдӣ мавриди муҳокима қарор гирифта буд.
Аксҳо аз Кумитаи рушди сайёҳӣ.
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
