Сокинони шаҳри Истаравшан низ аз туҳфаи арзишманди Пешвои миллат бархӯрдор гардиданд

Июнь 29, 2021 10:37

ДУШАНБЕ, 29.06.2021 /АМИТ «Ховар»/. Туҳфаи арзишманди Пешвои миллат — китоби «Тоҷикон»-и аллома Бобоҷон Ғафуров дар арафаи таҷлили ҷашни 30-солагии Истиқлоли давлатӣ ба сокинони шаҳри Истаравшан низ дастрас гардид.

Тавре аз маркази матбуоти раиси шаҳри Истаравшан ба АМИТ «Ховар» иттилоъ доданд, шоҳасари мазкур аз ҷониби комиссияи босалоҳияти Дастгоҳи иҷроияи Президенти Ҷумҳурии Тоҷикистон қабул ва рақамгузорӣ карда шуда, ба ҳар як хонавода ҳамчун туҳфаи таърихӣ ва рамзию арзишманд аз номи Сарвари давлат тақдим гардида истодааст. Айни замон тақсимоти китобҳо дар 10 ҷамоати деҳот ва 22 кумитаи маҳаллаи шаҳр муташаккилона ҷараён дорад.

Раиси шаҳри Истаравшан аз ҷараёни тақсимоти китоби мазкур боздид ба амал оварда, масъулини соҳаҳои мухталифи шаҳрро ҷиҳати расонидани ёрии ҳамаҷониба ба комиссияи босалоҳияти Дастгоҳи иҷроияи Президенти Ҷумҳурии Тоҷикистон вобаста ба сари вақт ба аҳолӣ дастрас намудани туҳфаи Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон муваззаф намуд.

Сокинони шаҳри Истаравшан туҳфаи арзишманди Пешвои муаззами миллатро, ки ҳамчун шиносномаи миллат арзёбӣ мегардад, бо хушнудиву сарфарозӣ пазируфтанд ва миннатдории самимонаи хешро баён намуда, зикр доштанд, ки «ин туҳфаи гаронарзиш, ки  инъикосгари  таърихии ниёгони тоҷикон аст, баҳри баланд бардоштани хештаншиносӣ, таҳкими пояҳои давлатдорӣ, рӯҳияи ватандӯстии насли ҷавон ва ҳувияти миллии ҳар шаҳрванди мамлакат заминаи устувор мегузорад».

Ёдовар мешавем, ки дар асоси дастуру супоришҳои  маорифпарваронаи  Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон китоби «Тоҷикон»-и аллома Бобоҷон Ғафуров бознашр ва ба ифтихори 30-солагии Истиқлоли давлатии Ҷумҳурии Тоҷикистон ба ҳар хонадони  мамлакат тақдим карда мешавад.

 АКСҲО: Маркази матбуоти раиси шаҳри Истаравшан

Июнь 29, 2021 10:37

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад