Тоҷикистон дар раддабандии кишварҳои сулҳхоҳ 10 зина боло рафт
ДУШАНБЕ, 18.06.2021 /АМИТ «Ховар»/. Тибқи гузориши Институти иқтисод ва сулҳ (Institute for Economics & Peace, IEP), Тоҷикистон дар раддабандии Нишондиҳандаи ҷаҳонии сулҳ – 2021 дар байни 163 давлат дар ҷойи 97-ум қарор гирифт, хабар медиҳад АМИТ «Ховар» бо истинод ба сомонаи маркази таҳлилӣ.
Тибқи гузориши «Global Peace Index», дар тӯли як сол Тоҷикистон якбора 10 зина боло рафтааст. Ба андешаи таҳлилгарон, Тоҷикистон ба гурӯҳи кишварҳои дорои сатҳи миёнаи сулҳ шомил аст. Ба ин гурӯҳ Ӯзбекистон, Қирғизистон, Туркманистон ва Озарбойҷон низ шомиланд.
Кореяи Шимолӣ, Венесуэла, Судон, Россия, Либия ва Сурия, Яман ва Афғонистон дар охири рӯйхати 163 кишвар қарор гирифтаанд.
Кишвари осоиштатарин ба мисли соли гузашта Исландия эътироф шудааст. Ба даҳ кишвари осоиштатарин инчунин Зеландияи Нав, Дания, Португалия, Словения, Австрия, Швейтсария, Ирландия, Чехия, Канада, Сингапур ва Япония шомиланд. Рӯйхати пурраро дар суроға — https://reliefweb.int/sites/reliefweb.int/files/resources/GPI-2021-web.pdf — дидан мумкин аст.
Болоравии нишондиҳандаи сулҳ дар 87 мамлакат ва коҳишёбӣ дар 73 кишвар ба қайд гирифта шудааст. Дар маҷмӯъ, нишондиҳандаи ҷаҳонии сулҳ 0,07 фоиз коҳиш ёфтааст.
Бояд тазаккур дод, ки раддабандии ҷаҳонӣ омилҳои зеринро ба монанди сатҳи мутаҳидии ҷомеа, эҳтироми ҳуқуқи инсон, суботи сиёсӣ ва иқтисодӣ, шумораи маҳбусон дар маҳбасҳо, сатҳи таҳдиди терроризм, хароҷоти мудофиа ва иштироки ин ё он кишвар дар амалиёти ҷангӣ ба инобат мегирад.
Ёдовар мешавем, ки дар раддабандии ҷаҳонии сулҳ, ки ҳамасола аз ҷониби Институти иқтисод ва сулҳи Австралия нашр мешавад, Тоҷикистон дар соли 2018 дар ҷойи 117, дар соли 2019 дар ҷойи 105-ум ва дар соли 2020 дар байни 163 кишвари ҷаҳон дар ҷойи 107-ум қарор дошт.
Ба андешаи таҳлилгарон, Тоҷикистон ба рӯйхати давлатҳое шомил шудааст, ки сатҳи амнияти боэътимод доранд.
ДАР АКС: Институт иқтисод ва сулҳ (Institute for Economics & Peace, IEP). АКС аз twitter.com
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
