Зарфиятҳои сайёҳии Тоҷикистон дар Москва муаррифӣ гардид
ДУШАНБЕ, 24.06.2021/АМИТ «Ховар»/. Дар партави сиёсати созандаи Пешвои миллат муҳтарам Эмомалӣ Раҳмон сайёҳӣ дар Тоҷикистон ҳамчун як соҳаи муҳими иқтисод тадриҷан рушд карда, ба пешравиҳои назаррас ноил мегардад, ки ин мояи шинохти бештари Тоҷикистон дар арсаи байналмилалӣ гардидааст. Ин матлабро Сафири Ҷумҳурии Тоҷикистон дар Федератсияи Россия Имомуддин Сатторов, дар ҳамоише, ки дар Сафорати Тоҷикистон дар Федератсияи Россия бо мақсади муаррифии иқтидор ва зарфиятҳои сайёҳӣ, инчунин лоиҳаҳои сармоягузорӣ ҷиҳати ҷалби бештари сармоягузории хориҷӣ ба иқтисоди кишвар доир гардид, баён дошт.
Аз Сафорати Ҷумҳурии Тоҷикистон дар Федератсияи Россия ба АМИТ «Ховар» иттилоъ доданд, ки дар ҳамоиш намояндагони мақомоти давлатии Россия, кормандони намояндагиҳои дипломатии муқими кишвари иқомат, ширкатҳои фаъоли сайёҳии Тоҷикистону Россия ва намояндагони воситаҳои ахбори омма иштирок намуданд.
Тавре Имомуддин Сатторов гуфт, баҳри таъмини ҷолибияти соҳа барои сармоягузорони ватанию хориҷӣ Ҳукумати кишвар дар марҳилаи аввал як зумра имтиёзҳоро муқаррар кард, ки заминаи иқтисодӣ ва ҳуқуқӣ фароҳам овард, инчунин инфрасохтори зарурии сайёҳиро барои рушди минтақаҳои сайёҳӣ омода намуд.
Дар ҳамоиш имконияту зарфиятҳо ва навъҳои гуногуни сайёҳии байналмилалӣ, аз ҷумла сайёҳии таърихӣ, фарҳангӣ, тандурустӣ дар Тоҷикистон муаррифӣ гардиданд. Инчунин ба меҳмонон оид ба иқтидори сармоягузории Тоҷикистон маълумоти муффасал пешниҳод гардид. Иштирокдорони ҳамоиш имкони хуби шиносоӣ бо осори таърихию фарҳангӣ ва омилҳои рушди муосири кишвари Тоҷикистон, аз ҷумла зарфиятҳои сайёҳӣ ва сармоягузориро пайдо карданд.
Бо истифода аз фурсати муносиб намояндагони ширкату муассисаҳои сайёҳии Тоҷикистон дар бораи зарфиятҳои сайёҳии кишвар, шароити муносиби муҳайёшуда ҷиҳати сайру тамошои хориҷиён аз мавзеъҳои таърихию фарҳангӣ ва маконҳои фароғатӣ, маълумоти муфассалро пешниҳоди ҳозирин намуданд.
Дар идомаи ҳамоиш бо мақсади таҳкими равобит ва табодули мушаххасот, миёни намояндагони ширкатҳои сайёҳии Тоҷикистону Россия оид ба ҳамкориҳои минбаъда мубодилаи афкор сурат гирифт.
Аксҳо аз Сафорати Тоҷикистон дар Россия
Дар ноҳияи Ҷаббор Расулов парвариши пахта ва ҷамъоварии ҳосили пиёз идома дорад
ИМРӮЗ — РӮЗИ КОРМАНДОНИ СОҲАИ СОХТМОН. Меъмории миллӣ ба ташаккули симои нави шаҳрҳо ва муҳити зисти муносиб мусоидат менамояд
Дар ноҳияи Ҷалолиддини Балхӣ ҳаҷми истеҳсоли маҳсулоти саноатӣ ба 149,6 миллион сомонӣ расид
Ҳаҷми умумии маблағгузории сармоя дар ноҳияи Хуросон ба зиёда аз 337 миллион сомонӣ расонида шуд
Ташаббусҳои глобалии Тоҷикистон дар масъалаи обу иқлим дар муколамаи ҷавонон баррасӣ шуданд
Сулаймон Зиёзода дар ноҳияи Спитамен бо вазъи соҳаҳои пахтакорӣ, боғдорӣ ва токпарварӣ шинос гардид
Ҷаласаи 21-уми Кумитаи ҳамоҳангсоз оид ба содагардонии расмиёти савдо доир шуд
Дар вилояти Хатлон имконоти ҳамкорӣ дар самти бунёди неругоҳҳои барқӣ баррасӣ гардид
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
14 август Озмуни ҷумҳуриявии «Топ-35-шарики боэътимоди сол» баргузор мегардад
Тоҷикистон таҷрибаи пешрафтаи Қазоқистонро дар самти истифода аз технологияҳои нав барои рушди соҳаи мелиоратсия меомӯзад
Дар Тоҷикистон низоми e-Phyto татбиқ мегардад
