ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҳисор пули мошингузар, маркази омӯзиши забонҳо ва дигар иншооти ҷашнӣ ба истифода дода шуданд
ДУШАНБЕ, 05.07.2021 /АМИТ «Ховар»/. Дар доираи таҷлили ҷашни 30 – солагии Истиқлоли давлатии Ҷумҳурии Тоҷикистон дар шаҳри Ҳисор ба истифода супоридани иншооти ҷашнӣ босуръат идома дорад. Аз Мақомоти иҷроияи ҳокимияти давлатии шаҳри Ҳисор ба АМИТ «Ховар» иттилоъ доданд, ки дар деҳаҳои Ҳуҷум ва Себистони Ҷамоати деҳоти Навобод мағозаи хӯрокворӣ ва гармхона барои парвариши лимон ва сабзавоти барвақтӣ дар майдони 0,8 гектар мавриди баҳрабардорӣ қарор дода шуд. Инчунин дар деҳаи Ғайратобод анбори орд бо ғунҷоиши 100 тонна маҳсулот, нонвойхона, нуқтаи хӯрокҳои тезтайёр ва маркази омӯзиши забонҳо барои таълими забонҳои хориҷии русӣ, англисӣ, олмонӣ, франсузӣ ва хитоӣ, дар деҳаи Мортеппаи Ҷамоати деҳоти Сомон мағозаи хӯрокворӣ, сартарошхона ва дӯкони равғанкашӣ, дар деҳаи Даҳбед нуқтаи шустушӯи мошинҳо ва пули мошингузар дар деҳаи Равшандилони ҷамоати деҳоти ба номи Мирзо Турсунзода ба истифода дода шуданд.
Бояд тазаккур дод, ки иншооти ҷашнӣ дар маросими ботантана мавриди баҳрабардорӣ қарор дода шуда, пирони рӯзгордида аз хизматҳои содиқонаи Пешвои муаззами миллат ба халқу Ватан дар таъмину таҳкими сулҳу суббот ва ваҳдати комил, иқдомҳои созанда дар рушди мамлакат, саҳми мустақим дар ҳалли масъалаҳои глобалии сиёсиву экологии ҷаҳон ва бо ҳамин васила афзудани нуфузи Тоҷикистон дар арсаи байналмилалӣ ёдовар шуданд.
Мавриди зикр аст, ки ба ба ифтихори ҷашни 30-солагии Истиқлоли давлатии Ҷумҳурии Тоҷикистон дар шаҳри Ҳисор дар маҷмӯъ беш аз 700 иншооти ҷашнии дорои таъйиноти гуногун ба истифода дода мешаванд, ки теъдоди зиёди он аллакай мавриди барҳрабардорӣ қарор дода шудааст.
Аксҳо аз Мақомоти иҷроияи ҳокимияти давлатии шаҳри Ҳисор
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
