ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Рӯзҳои наздик сохтмони бинои шуъбаи бемориҳои сироятии ноҳияи Сангвор ба анҷом мерасад
САНГВОР, 15.07.2021 /АМИТ «Ховар»/. Ба ифтихори ҷашни 30- солагии Истиқлоли давлатии Ҷумҳурии Тоҷикистон дар маркази ноҳияи Сангвор корҳои сохтмони бинои дуошёнаи Мақомоти иҷроияи ҳокимияти давлатии ноҳия, бинои шуъбаи бемориҳои сироятӣ, бинои ҲХДТ, варзишгоҳи замонавӣ дар назди Мактаб-интернати ҷумҳуриявии кӯдакони ятим дар ноҳия ва ҳавзи моҳипарварӣ дар Ҷамоати деҳоти Тавилдара бо масоҳати зиёда аз як гектар муташаккилона идома дошта, дар рӯзҳои таҷлили ин ҷашни таърихӣ мавриди баҳрабардорӣ қарор дода мешаванд.
Тибқи иттилои сармеъмори ноҳияи Сангвор Талбӣ Назаров, то ҷашни 30-солагии Истиқлоли давлатӣ дар ҳудуди ноҳия сохтмони 107 иншооти хурду миёна, аз ҷумла меҳмонхонаҳои замонавӣ, осоишгоҳи табобатӣ, марказҳои хизматрасонӣ, сартарошхонаҳо, синфхонаҳои иловагӣ, майдончаҳои варзишӣ, бунгоҳҳои тиббӣ, биноҳои маъмурӣ ва дигар инфрасохтори сайёҳӣ ба нақша гирифта шудааст. 30 фоизи иншооти ҷашнӣ бо лоиҳаҳои ройгони Кумитаи меъморӣ ва сохтмони назди Ҳукумати Ҷумҳурии Тоҷикистон таъмин шудаанд, ки онҳоро бештар барои сохтмони иншооти соҳаҳои сайёҳӣ, маориф, тандурустӣ ва фарҳанг пешбинӣ намудаанд. Хушбахтона, то имрӯз 74 адад иншоот мавриди истифода қарор дода шуда, дар 33 иншооти дигар корҳои сохтмонӣ идома доранд.
Директори Корхонаи давлатии фаръии молумулки ғайриманқули ноҳия Умед Кабутов гуфт, ки мутахассисони идораи заминсозии ноҳия аз 107 иншооти нақшавӣ 96 адад заминҳои зери иншооти мазкурро асоснок намуда, сари вақт онҳоро бо шаҳодатномаҳои истифодаи замин таъмин намуданд.
Муовини якуми раиси ноҳияи Сангвор Темур Қурбонзода зикр намуд, ки «дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати вусъат додани корҳои созандагию ободонӣ ба истиқболи ҷашни 30-солагии Истиқлоли давлатии Ҷумҳурии Тоҷикистон ҳамарӯза ба самъи мардуми ноҳия расонида мешаванд ва имрӯз барои ҳар фарди баномуси ҷумҳурӣ чун барномаи амал гардидаанд. Дар ноҳияи мо низ корҳои ободонию созандагӣ имрӯзҳо ривоҷи бештар пайдо намудаанд. Дар доираи ин ҷашни миллӣ сокинони ноҳияи Сангвор созандагиро аз хонаи худ оғоз намуда, дар ободонии деҳаю маҳалла ва дар маҷмӯъ мамлакатамон бо талошу пайкори ватандӯстона саҳми арзанда мегузоранд».
Аксҳо аз АМИТ «Ховар»
«МӮҚАЛАМЕ, КИ ТАЪРИХРО ТАҶАССУМ НАМУДААСТ». Дар Осорхонаи миллии Тоҷикистон намоиши асарҳои Ашур Ҳайдаров ифтитоҳ ёфт
Дар пойтахт рӯзҳои фарҳанги шаҳри Хуҷанд, Левакант ва ноҳияи Темурмалик доир мегардад
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор мумфаршкунии 12 километр роҳ оғоз гардид
Дар Рӯзи фарҳанги ноҳияи Абдураҳмони Ҷомӣ ҳунарҳои мардумӣ ва маҳсулоти кишоварзӣ пешниҳод гардиданд
Дар Душанбе Рӯзи фарҳанги ноҳияи Зафаробод баргузор шуд
Дар Рӯзи фарҳанги шаҳри Кӯлоб аз маҳсулоти кишоварзӣ то ҳунарҳои мардумии сокинон муаррифӣ гардид
Имрӯз дар Душанбе рӯзҳои фарҳанги шаҳри Кӯлоб ва ноҳияҳои Зафарободу Абдураҳмони Ҷомӣ баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар Муъминобод 200 иншооти таъйиноти гуногун ба истифода дода шуд
Дар Тоҷикистон дар шаш моҳ 87 иншооти варзишӣ ба истифода дода шуд
Дар Душанбе рӯзҳои фарҳанги шаҳрҳои Кӯлоб, Хуҷанд, Левакант ва ноҳияҳои Зафаробод, Абдураҳмони Ҷомӣ ва Темурмалик доир мегарданд
35-СОЛАГИИ ИСТИҚЛОЛИ ДАВЛАТӢ. Дар деҳаи Нақшбандони шаҳри Турсунзода соҳибкор муассисаи томактабӣ бунёд менамояд
35-СОЛАГИИ ИСТИҚЛОЛИ ДАВЛАТӢ. Дар Вахш муассисаҳои таълимию томактабӣ ва варзишгоҳи марказӣ бунёд мегарданд
