ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Тӯли шаш моҳ дар мамлакат 72 иншооти варзишӣ ба истифода дода шуданд
ДУШАНБЕ, 29.07.2021 /АМИТ «Ховар»/. Дар шашмоҳаи якуми соли равон дар шаҳру ноҳияҳои ҷумҳурӣ 72 иншооти варзишӣ, аз ҷумла 51 майдончаи варзишӣ, 17 толори варзишӣ, 2 ҳавзи шиноварӣ ва 2 маҷмааи варзишии маркази солимгардонӣ ба истифода дода шуданд. Иншооти варзишии мазкур бо маблағи зиёда аз 25 миллиону 239 ҳазор сомонӣ бунёд шудаанд, ки аз ин 1 миллиону 76 ҳазор сомонӣ аз ҳисоби маблағҳои буҷавӣ ва 24 миллиону 163 ҳазор сомонӣ аз ҳисоби сарпарастон мебошад. Дар ин бора дирӯз зимни нишасти матбуотӣ Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода иттилоъ дод.
Ба зикри мавсуф, Кумита кор бо ҷавонон ва варзиш баҳри таъмини оммавияти тарбияи ҷисмонӣ ва варзиш, ташвиқу таблиғи тарзи ҳаёти солим, ҷалби бештари наврасону ҷавонон ба варзиши касбӣ ва муҳайё намудани имконияти мусоиди инфрасохторию ташкилӣ барои варзишгарон, ки ҳамеша зери таваҷҷуҳи Пешвои миллат қарор доранд, дар доираи ваколатҳои худ якчанд тадбирҳои муассирро роҳандозӣ намудааст.
“Дар натиҷаи тадбирҳои роҳандозишуда Кумита дар ҳамкорӣ бо вазорату идораҳо ва ташкилоту муассисаҳо ҷиҳати таъмини иштироки фаъолонаи ҷавонон дар ҳаёти сиёсӣ, иқтисодӣ, иҷтимоию фарҳангӣ бо мақсади баланд бардоштани мавқеи устувори онҳо дар таҳкими давлатдории миллии тоҷикон ва таҷлили ҷашни 30 – солагии Истиқлоли давлатӣ 11 ҳазору 110 чорабиниро бо фарогирии наврасону ҷавонон ва аҳли ҷомеа доир намуд”,- гуфт Абдулло Раҳмонзода.
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
