Ҳайати Тоҷикистон дар Конфронси дуюми сатҳи баланди СММ оид ба мубориза бо терроризм иштирок намуд
ДУШАНБЕ, 01.07.2021 /АМИТ «Ховар»/. 28-30 июни 2021 дар Ню-Йорк бо ташаббуси Дабири кулли СММ Антониу Гутерреш Конфронси дуюми сатҳи баланди Созмони Милали Муттаҳид оид ба мубориза бо терроризм зери унвони “Муқовимат ва пешгирии терроризм дар заминаи фанновариҳои дигаргункунанда: рафъи таҳдидҳои даҳсолаи нав” дар сиғаи омехтаи маҷозӣ ва ҳузурӣ баргузор гардид, ки дар он роҳбарони мақомоти зиддитеррористӣ ва вазирони корҳои хориҷии кишварҳои узви СММ ширкат варзиданд. Ҳайати Ҷумҳурии Тоҷикистон дар ин ҳамоиш бо роҳбарии Вазири корҳои хориҷӣ Сироҷиддин Муҳриддин иштирок ва суханронӣ намуд. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.
Дар суханронии хеш Вазири корҳои хориҷӣ иштирокдоронро бо талошу иқдомҳои Ҷумҳурии Тоҷикистон дар самти пешгирӣ ва мубориза бо таҳдиду чолишҳои амниятӣ ва натиҷаҳои Конфронси сатҳи баланд дар мавзӯи “Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводди мухаддир ва ҷинояткории муташаккилона” (16-17 майи 2019, Душанбе) шинос намуда, ба аҳамияти тақвияти ҳамкории Тоҷикистон ва Дафтари зиддитеррористии СММ дар чаҳорчӯби “Раванди Душанбе” оид ба мубориза бо терроризм ва маблағгузории он таъкид кард.
Лозим ба ёдоварист, ки Конфронси амниятии Душанбе дар соли 2019 ҷиҳати пайгирии аҳдофи якумин Конфронси сатҳи баланди роҳбарони мақомоти зиддитеррористии СММ дар мавзӯи “Таҳкими ҳамкории байналмилалӣ ҷиҳати мубориза бо таҳдиди афзояндаи терроризм” (28-29 июни 2018, Ню-Йорк) баргузор шуда буд.
Акс аз ВКХ ҶТ
РАВАНДИ ОБИ ДУШАНБЕ. Нақши рӯзномаи об дар равандҳои бисёрҷонибаи байналмилалӣ дар Душанбе баррасӣ шуд
Дар Душанбе мулоқоти сарвазирони Тоҷикистон ва Бурунди баргузор гардид
РАВАНДИ ОБИ ДУШАНБЕ. Ҷаласаи мавзуии «Об барои сайёра» баргузор шуд
РАВАНДИ ОБИ ДУШАНБЕ. Дар Душанбе ҷаласаи мавзуии «Об барои шукуфоӣ» баргузор гардид
Барои бунёди бинои Сафорати Ҷумҳурии Тоҷикистон дар Давлати Кувайт санги асос гузошта шуд
Қоҳир Расулзода бо Вазири федералии тағйирёбии иқлим ва ҳамоҳангсозии муҳити зисти Покистон Мусаддиқ Масъуд Малик мулоқот намуд
РАВАНДИ ОБИ ДУШАНБЕ. Дар доираи Конфронси сатҳи баланд дар мавзуи «Об барои инсонҳо» ҷаласаи канорӣ баргузор шуд
Қоҳир Расулзода бо муовини Дабири кулли СММ, Котиби иҷроияи ЭСКАТО хонум Армида Салсиаҳ Алисҷаҳбана мулоқот намуд
Идомаи Конфронси байналмилалии Душанбе: таваҷҷуҳ ба масъалаҳои об ва иқлим
Болот Молдобеков: «Ташаббусҳои Президенти Тоҷикистон дар бораи оби тоза, ҳифзи пиряхҳо ва иқлим боиси таҳсин аст»
Аббос Алиободӣ: «Эрон омода аст, ки таҷрибаи худро дар соҳаи обу энергетика бо Тоҷикистон ва ҷаҳон мубодила намояд»
Имрӯз Конфронси 4-уми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 оғоз мегардад
