Ҷамшед Каримзода дар ҷаласаи маҷозии Шӯрои роҳбарикунандаи Бонки Аврупоии Таҷдид ва Рушд иштирок кард
ДУШАНБЕ, 06.07.2021 /АМИТ «Ховар»/. 1 ва 2 июл муовини якуми Вазири молияи Ҷумҳурии Тоҷикистон Ҷамшед Каримзода дар ҷаласаи маҷозии ҳамасолаи Шӯрои роҳбарикунандаи Бонки Аврупоии Таҷдид ва Рушд иштирок ва сухан намуд.
Тибқи иттилои Вазорати молия, зимни ҷаласаи мазкур масъалаҳои барқарорсозии иқтисодиёт ва рушди он, гузариш ба маблағгузории иқтисоди сабз, инчунин тавсеаи ҷуғрофӣ ба кишварҳои тропикии Африка ва Ироқ мавриди баррасӣ қарор дода шуд.
Дар ин робита Ҷамшед Каримзода зикр кард, ки Ҷумҳурии Тоҷикистон итминон дорад, ки Бонки Аврупоии Таҷдид ва Рушд дар ҳамкорӣ бо шарикони рушд ташаббуси Ҳукуматро дар самти ҳамгироии манбаъҳои барқароршавандаи энергия тавассути зиёд намудани грантҳо, кумаки техникӣ ва қарзҳои имтиёзнок барои ҷорӣ намудани технологияҳои каммасраф ва кам кардани оқибатҳои манфии тағирёбии иқлим дастгирӣ хоҳад кард.
Инчунин иброз гардид, ки Ҷумҳурии Тоҷикистон ҷонибдори сиёсати ҳамешагии ҳамкорӣ бо Бонки Аврупоии Таҷдид ва Рушд, махсусан дар соҳаи энергетика ва дигар соҳаҳои имтиёзноки дуҷониба мебошад
Сипас миёни иштирокчиёни вохӯрӣ вобаста ба масъалаҳои мавриди назар мубодилаи афкори судманд сурат гирифт.
Аксҳо аз Вазорати молия
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
