Баҳодур Шерализода ва Адҳам Мусаллам масоили марбут ба лоиҳаи грантӣ оид ба тағйирёбии иқлимро баррасӣ намуданд
ДУШАНБЕ, 21.07.2021 /АМИТ «Ховар»/. 19 июл вохӯрии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо роҳбари навтаъйини Барномаи Озуқавории Ҷаҳонӣ дар Ҷумҳурии Тоҷикистон (БОҶ) Адҳам Мусаллам баргузор гардид.
Тавре ба АМИТ «Ховар» аз кумитаи мазкур хабар доданд, дар ҷараёни мулоқот масоили марбут ба лоиҳаи грантӣ «Таҳкими устувории ҷомеаҳои осебпазир ва озуқаворӣ нисбат ба тағйирёбии иқлим тавассути баланд бардоштани иқтидор ва диверсификатсияи воситаҳои зиндагӣ дар минтақаҳои кӯҳии Тоҷикистон», ки аз ҷониби Фонди Иқлими Сабз маблағгузорӣ мешавад, баррасӣ гардид.
Раиси Кумита Баҳодур Шерализода роҷеъ ба корҳои анҷомёфта ва вазифаҳои минбаъдаи БОҶ дар Ҷумҳурии Тоҷикистон сухан намуда, диққати намояндагони ташкилоти мазкурро ба амалӣ шудани чорабиниҳои ба нақша гирифташуда ҷалб намуд.
Ҷонибҳо ба мувофиқа расиданд, ки барои амиқтар намудани ҳамкорӣ байни Кумита ва БОҶ дар соҳаи ҳифзи муҳити зист ва тағйирёбии иқлим дар доираи барномаи мазкур ва ташаккули иқтидори он дар оянда кӯшиш ба харҷ медиҳанд.
Вохӯрии дуҷониба дар фазои якдигарфаҳмӣ баргузор гардида, тарафҳо роҷеъ ба масъалаҳои баррасигардида ба мувофиқа расиданд.
Акс аз Кумитаи ҳифзи муҳити зисти назди Ҳукумати ҶТ
Маҳсулоти нассоҷии Тоҷикистон бори аввал дар намоишгоҳи «Central Asian Fashion» муаррифӣ мешавад
«ПОМИР-ИНВЕСТ 2022». Дар Вилояти Мухтори Кӯҳистони Бадахшон Форуми байналмилалии соҳибкорӣ доир мегардад
ГУБЕРНАТОР АЗ СИБИР БА ТОҶИКИСТОН МЕОЯД. Вилояти Хатлони мо ва вилояти Омски Русия созишномаи ҳамкорӣ омода мекунанд
Раиси «Амонатбонк» Сироҷиддин Икромӣ бо кормандони марказҳои хизматрасонии бонкии Бадахшон мулоқот намуд
Қатораи мусофирбар дар хатсайри Кӯлоб–Волгоград–Кӯлоб ҳафтаи оянда ба роҳ мебарояд
Тоҷикистон ва Гурҷистон масоили ба роҳ мондани алоқаи ҳавоиро матраҳ намуданд
ИШТИРОК КУНЕД, ДАЛЕРОНА КӮШЕД ВА ҒАЛАБА НАМОЕД! Озмуни Ҷоизаи ИДМ дар самти дастовардҳо дар соҳаи сифати маҳсулот ва хизматрасонӣ барои соли 2023 эълон гардид
Дар Узбекистон Форуми минтақавии нозирони давлатии меҳнати кишварҳои Осиёи Марказӣ ва Русия доир мешавад
Сайди моҳӣ дар Тоҷикистон дар шаш моҳ 1145,3 тоннаро ташкил дод
Барномаи рушди иҷтимоию иқтисодӣ ба беҳтар намудани сатҳи зиндагии мардуми ноҳияи Дарвоз мусоидат менамояд
Дар Суғд фаъолияти муштараки доираҳои тиҷоративу соҳибкории Тоҷикистон ва Ҷопон баррасӣ гардид
Кишоварзони шаҳри Ваҳдат дар майдони 6480 гектар кишти такрорӣ гузарониданд
