Бо иштироки муовини Сарвазири мамлакат дар Ҳисор як зумра иншоот ба истифода дода шуданд

Июль 9, 2021 08:30

ДУШАНБЕ, 09.07.2021/АМИТ «Ховар»/. Дар шаҳри Ҳисор бо иштироки муовини Сарвазири ҷумҳурӣ Матлубахон Сатториён ва Раиси шаҳри Ҳисор Шарифҷон Ҷумъазода як зумра иншооти ҷашнӣ мавриди баҳрабарорӣ қарор дода шуданд. Аз ҷумла,  дар кӯчаи ба номи Неъмат Қаробоеви маҳаллаи Шарқ маркази хизматрасонӣ барои воситаҳои нақлиёти автомобилӣ ифтитоҳ гардид, ки он аз ҷониби табиб Шодӣ Шарифов дар шафати ҳавлии истиқоматиаш сохта шуда, аз толорҳои барҳавои бо дастгоҳу таҷҳизоти зарурӣ барои ивази равған, таъмири чархҳо, шустушўйи мошинҳо ҷиҳозонидашуда иборат мебошад ва хоҳишмандон тариқи шартнома метавонанд аз он истифода баранд.

Инчунин дар маҳаллаи Бобоҷон Ғафурови шаҳри Ҳисор  майдончаи варзишӣ барои футболи наврасон, ки аз ҷониби соҳибкорон Неъматулло Файзуллоев ва Умеҷон  Аловиддинов бунёд ёфтааст, ба истифода дода шуд. Майдонча барои наврасони синни то 12-солаи маҳаллаи мазкур  пешбинӣ гардидааст. Дар ин маҳалла ҳамзамон муовини Сарвазир ва Раиси шаҳр ду бинои баландошёнаи истиқоматии 10- ошёнаро мавриди баҳрабардорӣ қарор доданд.

Муовини Сарвазир Матлубахон Сатториён ва Раиси шаҳр Шарифҷон Ҷумъазода аз ҳавлӣ ва якчанд ҳуҷраҳои истиқоматии ошёнаҳои якум ва дуюми биноҳо дидан намуда, ба сифати кори сохтмончиён баҳои баланд доданд.

Ҳамчунин муовини Сарвазири мамлакат дар маросими  ифтитоҳи ду иншооти соҳаи тандурустӣ дар деҳаи Деҳқонободи Ҷамоати деҳоти Деҳқонобод иштирок намуд.  Ин иншоот дар доираи корҳои ободонӣ ва созандагӣ ба истиқболи ҷашни истиқлол аз ҷониби соҳибкорон сохта шудааст. Бинои нав дар шафати собиқ муассиса ҳамчун бинои иловагӣ бунёд ёфта, аз ҳуҷраҳо барои қабул, доругузаронӣ, иммунизатсия ва момодоягӣ иборат аст ва барои фаъолияти бемамонияти 16 нафар табибон ва ҳамшираҳои шафқат мусоидат мекунад.

Зимни муаррифӣ иттилоъ доданд, ки марказ дар тобеъияташ ду бунгоҳи тиббӣ дошта, барои аҳолии деҳаҳои Гачак, Бағалак, Лангар, Содиқӣ, Деҳқонобод, Шодмон ва Хоҷамӯсо хизмати тиббӣ мерасонад.

Инчнин дар деҳаи Содиқии Ҷамоати деҳоти Деҳқонобод иншооти бунёднамудаи соҳибкор  Қиёмиддин Ҳоҷиев  мавриди истифода қарор дода шуд.  Иншооти хизматрасонӣ аз ду ошёна бунёд гардида, дар ошёнаи якуми он мағозаи хӯрокворӣ ва марказ иборат буда,  дар ошёнаи дуюми бино коргоҳи хурди дӯзандагӣ ва бунгоҳи тиббӣ ҷойгир шудааст. Дар коргоҳи дӯзандагӣ 8 нафар духтарони маҳаллӣ бо кори доимӣ ва дар умум 11 нафар ба кор фаро гирифта шудаанд.

Ҳамчунин дар деҳаи Турдибобои Ҷамоати деҳоти Дурбат мағозаи фурӯши қисмҳои эҳтиётии автомобилҳои сабукрав, нуқтаи таъмир ва шустушӯйи мошинҳо, ки аз ҷониби сокини ҳамин ҷамоат Файзалӣ Сангов сохта шудааст, ба истифода дода шуд, ки он коргоҳҳои таъмиру толорҳо барои фурӯши қисмҳои эҳтиётии автомобил иборат буда, беш аз 10 нафар ҷавононе, ки малакаи касбии техникиро соҳибанд ба кори доими ҷалб ва бо маоши хуб таъмин гардидаанд.

Муовини Сарвазир ва Раиси шаҳри Ҳисор  зимни ифтитоҳи иншооти ҷашнӣ ба соҳибкорон дар амалишавии дастуру ҳидоятҳои Сарвари давлат, муҳтарам  Эмомалӣ Раҳмон,  татбиқи Барномаи «Солҳои рушди деҳот, сайёҳӣ ва ҳунарҳои мардумӣ», ки ба таъсиси ҷойҳои нави корӣ ва бартараф кардани мушкилоти мардум дар деҳот мусоидат менамояд, ҳамчунин, саҳми муносиб гузоштан дар корҳои ободониву созандагӣ арзи сипос карда, бо Сипосномаи Раиси шаҳри Ҳисор қадрдонӣ намуданд.

Аксҳо аз Мақомоти иҷроияи ҳокимияти давлатии шаҳри Ҳисор

Июль 9, 2021 08:30

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Имсол дар ноҳияи Шамсиддини Шоҳин 41 иншоот ба истифода дода мешавад
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Бахшида ба ҷашни Наврӯз дар ноҳияи Рӯдакӣ ду бунгоҳи тиббӣ ба истифода дода шуд
Дар шаҳри Турсунзода бахшида ба Ҷашни байналмилалии Наврӯз як қатор иншоот мавриди истифода қарор гирифт
Дар Агентии амнияти химиявӣ, биологӣ, ядроӣ ва радиатсионӣ майдончаи варзишӣ ифтитоҳ гардид
Дар шаҳри Турсунзода майдончаи варзишӣ ва Маркази саломатии деҳоти «Чинор» ифтитоҳ гардид
Сарвари давлат Эмомалӣ Раҳмон бо фаъолияти Ҷамъияти дорои масъулияти маҳдуди «Иттиҳодияи Истеҳсолии Нассоҷии Тоҷик» шинос шуданд
Президенти мамлакат Эмомалӣ Раҳмон ба сохтмони бинои маъмурии Вазорати маориф ва илми Ҷумҳурии Тоҷикистон санги асос гузоштанд
Пешвои миллат Эмомалӣ Раҳмон ба бунёди бинои нави Вазорати саноат ва технологияҳои нави Ҷумҳурии Тоҷикистон санги асос гузоштанд