Дар Донишгоҳи давлатии молия ва иқтисоди Тоҷикистон ихтисоси нав – иқтисодиёти рақамӣ роҳандозӣ мегардад

Июль 19, 2021 12:10

ДУШАНБЕ, 19.07.2021 /АМИТ «Ховар»/. Интизор меравад, ки дар соли таҳсили 2021-2022 дар Донишгоҳи давлатии молия ва иқтисоди Тоҷикистон ихтисоси нав –иқтисодиёти рақамӣ, ки дар бозори меҳнат талабот ба он зиёд аст, роҳандозӣ гардад. Дар ин бора Ректори Донишгоҳи давлатии молия ва иқтисоди Тоҷикистон Шукрулло Хайрзода зимни нишасти матбуотӣ ба намояндагони ВАО иттилоъ дод.

Шукрулло Хайрзода зикр намуд, ки Донишгоҳи давлатии молия ва иқтисоди Тоҷикистон дар Рейтинги муассисаҳои таҳсилоти олии касбӣ, ки аз ҷониби Агентии назорат дар соҳаи маориф ва илми назди Президенти Ҷумҳурии Тоҷикистон баргузор карда мешавад, мақоми чорумро нигоҳ дошт, ки он аз мавқеи устувор доштани ин донишгоҳ дар низоми илм ва маорифи мамлакат шаҳодат медиҳад. Инчунин Донишгоҳи давлатии молия ва иқтисоди Тоҷикистон бо нишондиҳандаҳои баланд дар Рейтинги Webometrics Ronking of Word Universities (Мадриди Испания) дар байни 30 ҳазор донишгоҳҳои ҷаҳон яке аз ҷойҳои назаррасро сазовор шуда, дар байни муассисаҳои таҳсилоти олии касбии Ҷумҳурии Тоҷикистон ҷойи сеюмро сазовор гардид.

Зикр шуд, ки дар ҷараёни гузариш ба модулҳои низоми автоматикунонидашудаи рақамии таҳсилот дар соли таҳсили 2021 донишгоҳро 102 нафар донишҷӯён бо баҳои аъло хатм намуда, ба гирифтани дипломи «аъло» мушарраф гардиданд, ки нисбат ба соли 2020-ум 18 нафар ё 20 фоиз зиёд аст. Инчунин дар ин давра 13 номгӯй китоби дарсӣ барои ихтисосҳои марбутаи донишгоҳ таҳия ва аз мушовараи Вазорати маориф ва илми ҷумҳурӣ гузаронида шудааст.

Ҳамзамон Ректори Донишгоҳи давлатии молия ва иқтисоди Тоҷикистон изҳор дошт, ки дар соли таҳсили 2020-2021 аз ҷониби устодон, унвонҷӯён, доктор PhD аз рӯи ихтисос, магистрантон ва донишҷӯёни донишгоҳ дар маҷмӯъ 1067 маводи илмӣ – таълимӣ ба нашр расидаанд, ки аз онҳо 1006 мақолаву фишурда, аз ҷумла, 6 мақола дар маҷаллаҳои SCOPUS ва Web of Sciense, 318 мақолаҳои дар маҷмуаҳои конфронсҳои байналмилалӣ ва ҷумҳуриявӣ, 425 фишурда дар маҷмӯаҳои конфронсҳои донишгоҳӣ нашр гардидаанд, ки мояи ифтихор аст.

Июль 19, 2021 12:10

Хабарҳои дигари ин бахш

Тӯли шаш моҳ неруи барқ нисбат ба соли 2020 камтар истеҳсол шудааст
Бонки миллии Тоҷикистон дархости «Тоҷиксармоягузор»-ро қонеъ накард
Вазири молияи Ҷумҳурии Тоҷикистон бо Вазири молия ва иқтисоди Туркманистон мулоқот намуд
Дар Душанбе Ҳисоботи арзёбии Барномаи қолабии СММ ҷиҳати кумак барои рушди Тоҷикистон муаррифӣ шуд
Тоҷикистон дар миқёси ИДМ зинаи баландтаринро касб намуд
Икром Субҳонзода: «Вақте парвозҳои муназзам барқарор мешаванд, нархи ҳавопаймоҳо метавонад коҳиш ёбад»
Сулаймон Султонзода: 500 тафтишу санҷиш 235,8 млн сомонӣ зарари молиявиро ошкор намуд
Дар Душанбе ҷаласаи дуюми роҳбарони вазорату идораҳои ҳифзи муҳити зисти кишварҳои узви СҲШ оғоз гардид
Миёни МОИ «Кӯлоб» ва «Тирмиз» санади ҳамкорӣ ба имзо расонида шуд
Фурудгоҳҳои байналмилалии Тоҷикистон имсол ба зиёда аз ним миллион мусофир хизмат расонидаанд
ПЕШИ РОҲИ ГАРМШАВИИ ҲАВОРО БОЯД ГИРИФТ! Кишварҳои Осиёи Марказӣ дар Душанбе масоили тағйирёбии иқлимро баррасӣ намуданд
Кӯлоб: Барои риоя накардани қоидаҳои савдо 352 нафар соҳибкорон ҷарима шуданд

Маводҳои таҳлилӣ