Дар Душанбе таҳти унвони «Муносибати шариконаи мақомоти андоз ва андозсупорандагон, ҳамчун қисми ислоҳоти андоз» ҳамоиш доир шуд

Июль 3, 2021 09:50

ДУШАНБЕ, 03.07.2021 /АМИТ «Ховар»/. 2 июл бо ташаббуси Кумитаи андози назди Ҳукумати Ҷумҳурии Тоҷикистон дар меҳмонхонаи «Hyatt Regency» таҳти унвони «Муносибати шариконаи мақомоти андоз ва андозсупорандагон, ҳамчун қисми ислоҳоти андоз» ҳамоиш доир шуд.

Тавре аз Кумитаи андози назди Ҳукумати Ҷумҳурии Тоҷикистон ба АМИТ «Ховар» хабар доданд, ҳамоиш  бо мақсади фароҳам овардани робита ва ҳамкории доимии мутақобилан судманд байни мақомоти андоз ва андозсупорандагон роҳандозӣ  гардида, дар он намояндагони вазорату идораҳои соҳаи иқтисод, аз он ҷумла вазоратҳои рушди иқтисод ва савдо, молия, Кумитаи давлатии сармоягузорӣ ва идораи амволи давлатӣ, Агентии омор, Бонки миллӣ, инчунин роҳбарон, сармуҳосибҳо ва таҳлилгарону кормандони масъули андозсупорандагон иштирок намуданд.

Дар ҷараёни ҳамоиш  ҷанбаҳои муҳими муносибатҳои андозсупорандагон ва мақомоти андоз баррасӣ гардида, дар он муовини якуми Раиси Кумитаи андоз Аюбҷон Солеҳзода сухан намуд.

Иштирокчиёни ҳамоиш оид ба рушди муносибати шариконаи мақомоти андоз бо андозсупорандагон, низоми  маъмурикунии андоз, хизматрасониҳои электронӣ ва низоми  иттилоотии Кумитаи андоз мубодилаи афкор намуда, вобаста ба масъалаҳои муҳокимагардида таклифу пешниҳодҳои худро манзур намуданд.


Зикр гардид, ки бо шарофати Истиқлоли давлатӣ дар партави сиёсати хирадмандона ва роҳнамоиҳои Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ислоҳоти андоз бо маром идома дошта, маъмурикунонии андозҳо нисбат ба солҳои қаблӣ беҳтар гардида истодааст. Ҳамзамон базаи моддию техникии мақомоти андоз рӯз аз рӯз беҳтар гардида, шумораи хизматрасониҳои электронӣ зиёд ва сатҳи ҷорӣ кардани иқтисоди рақамӣ баланд гардида истодааст.

Гузаронидани чунин чорабиниҳо аз ҷониби Кумитаи андоз дар оянда низ ба нақша гирифта шудааст, ки баргузории онҳо ба баланд бардоштани сатҳи ҳамкории мақомоти андоз бо андозсупорандагон, беҳтар намудани фазои сармоягузорӣ ва рушди бахши хусусии иқтисодиёт равона гардида, дар нақшаи чорабиниҳои татбиқи амалии Барномаи рушди маъмурикунонии андоз пешбинӣ гардидааст.

Июль 3, 2021 09:50

Хабарҳои дигари ин бахш

Дар Кумитаи рушди сайёҳӣ ҷиҳати расонидани хизмати сатҳи баланд ба мизоҷон ҳамоиш доир шуд
РАВАНДИ ОБИ ДУШАНБЕ. Конфронси дарпешистодаи СММ оид ба об 2023-раванди такондиҳанда барои рушди устувор
Намояндаи Тоҷикистон дар конфронси байналмилалӣ дар шаҳри Истанбул сухан гуфт
Намояндагони Тоҷикистон бо ҷараёни амалишавии раванди ғанисозии орди гандумӣ дар Узбекистон шинос шуданд
Дар Душанбе созишномаҳо оид ба маблағгузорӣ ба имзо расиданд
Татбиқи Барномаи миёнамуҳлати рушди иқтисоди рақамӣ дар Тоҷикистон баррасӣ шуд
Бонки миллии Тоҷикистон ба оператори низоми пардохтии «Вестерн Юнион Нетворк» иҷозатномаи фаъолият дод
Тоҷикистон номзадии Арабистони Саудиро барои мизбонии «Экспо -2030» ҷонибдорӣ менамояд
Вазорати нақлиёти Тоҷикистон доир ба тағйирёбии ҳамлу нақли бор тавассути гузаргоҳҳои сарҳадии Туркманистон хабар додааст
ОМОДАГӢ БА ЗИМИСТОН. Дар анбори Агентии захираҳои моддии давлатӣ дар Бадахшон миқдори кофии маҳсулоти мавриди ниёзи аввал захира шудааст
Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
ЛОИҲАИ БАРҚАРОРКУНИИ ҶАНГАЛ ВА БЕҲТАР КАРДАНИ НЕКУАҲВОЛИИ МАРДУМ. Дар Тоҷикистон маҷмӯаи селексионии киштзори писта ташкил ёфт