Дар Душанбе Муколамаи навбатии сатҳи миллӣ доир ба низоми озуқаворӣ дар Ҷумҳурии Тоҷикистон баргузор шуд

Июль 7, 2021 13:30

ДУШАНБЕ, 07.07.2021 /АМИТ «Ховар»/. Имрӯз дар Кумитаи бехатарии озуқавории назди Ҳукумати Ҷумҳурии Тоҷикистон Муколамаи сатҳи миллӣ (техникӣ) доир ба низоми озуқаворӣ дар Ҷумҳурии Тоҷикистон бо иштироки васеи намояндагони вазорату идораҳо, олимону коршиносони соҳа, секторҳои хусусӣ ва намояндагони воситаҳои ахбори омма дар доираи риояи қоидаҳои беҳдоштӣ доир гардид.

Тавре аз Кумитаи мазкур ба АМИТ «Ховар» хабар доданд, дар муколама муовини якуми раиси Кумитаи бехатарии озуқавории назди Ҳукумати Ҷумҳурии Тоҷикистон, ҳамчун Ҳамоҳангсози миллии Саммити низоми озуқаворӣ Маҳмуд Ширинҷонзода иштирокдорони муколамаро хайрамақдам гуфта, аз раванди дигар Муколамаҳои сатҳи миллӣ ва минтақавӣ, ки  дар шаҳри Душанбе ва дигар вилоятҳои ҷумҳурӣ оид ба таҳия намудани  «Нақшаи амали низоми озуқаворӣ дар шароити Ҷумҳурии Тоҷикистон», ки бо супориши Сарвазири мамлакат аз 25 ноябри соли 2020 доир ба муқаррароти номаи муовини якуми Дабири кулли Созмони Милали Муттаҳид баргузор шуда буданд, баҳои баланд дода, иқдоми мазкурро ҷиҳати расидан ба ҳадафҳои рушди устувор муҳим арзёбӣ намуд.

Дар раванди Муколамаи сатҳи миллӣ (техникӣ) мушовир ва муовинони Ҳамоҳангсози миллии Саммити мазкур вобаста ба самтҳои асосии «Барномаи рушди низоми озуқаворӣ дар Ҷумҳурии Тоҷикистон» маърӯза намуда, пешниҳодҳои аъзоёни гурӯҳои байдиидоравии вазорату идораҳо, секторҳои хусусӣ ва олимону таҳлилгарони соҳаро барои ба таври комил таҳия  намудани нақшаи амал муҳим арзёбӣ намуданд.

Дар фарҷом аз ҷониби Ҳамоҳангсози миллии Саммити низоми озуқаворӣ зикр шуд, ки  26-28 июли соли 2021 баргузории пресс-саммит  бо иштироки намояндагони СММ, олимону коршиносони байналмилалӣ ба таври онлайн дар назар дошта шудааст. Аз ин рӯ аз аъзоёни гурӯҳи байниидоравии вазорату идораҳои давлатӣ хоҳиш  карда мешавад, ки  дар ҷаласаи мазкур тариқи маҷозӣ (онлайн) фаъолона иштирок намоянд.

Июль 7, 2021 13:30

Хабарҳои дигари ин бахш

ЛОИҲАИ БАРҚАРОРКУНИИ ҶАНГАЛ ВА БЕҲТАР КАРДАНИ НЕКУАҲВОЛИИ МАРДУМ. Дар Тоҷикистон маҷмӯаи селексионии киштзори писта ташкил ёфт
Гардиши савдои хориҷӣ миёни Тоҷикистон ва кишварҳои СҲШ дар шашмоҳаи якуми соли 2022 68 фоизро ташкил дод
Ҳаҷми маҳсулоти умумии кишоварзии вилояти Хатлон дар сатҳи 106-107 фоиз таъмин гардид
«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад
РОҒУН — МИНТАҚАИ САЙЁҲӢ. Дар ин бора Қарори Ҳукумати Ҷумҳурии Тоҷикистон ба тасвиб расид
Ориф Амирзода: «Маҳз бар асари гармшавии иқлим беш аз 1000 пиряхи Тоҷикистон комилан об шудаанд»
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Имконияти сайёҳии Тоҷикистон дар ЭКСПО-и сайёҳии Ҷопон муаррифӣ мегардад
Ҷаласаи навбатии Шӯро оид ба муайян намудани сатҳи камбизоатӣ ва табақаи миёнаи аҳолӣ баргузор шуд
Дар Душанбе масъалаи ҳамкорӣ бо Маркази минтақавии рушди иқтидори Хазинаи Байналмилалии Асъор баррасӣ гардид
Дар ноҳияи Мурғоб иқтидори истеҳсоли энергияи офтобӣ зиёд мешавад
Дар Душанбе Созишнома оид ба маблағгузорӣ миёни Тоҷикистон ва Ассотсиатсияи Байналмилалии Рушд ба имзо расид