Дар вилояти Хатлон 51 адад иншооти гигиенӣ бо усули заҳкаши намуди дренажӣ ба истифода дода шуданд
ДУШАНБЕ, 13.07.2021 /АМИТ «Ховар»/. Ба истиқболи сазовори сиюмин солгарди Истиқлоли давлатӣ дар зарфи шаш моҳи соли 2021 аъзои фаъоли ҲХДТ дар вилояти Хатлон бо ҷалби соҳибкорон, саховатмандон, вакилони мардумӣ ва сокинони маҳал 144,31 км роҳҳои байни кӯчаҳоро сангфарш ва 78,04 км роҳро мумфарш намуданд. Ҳамзамон дар шаҳру ноҳияҳои вилояти Хатлон 111 муассисаи таълимии деҳот бо ҷалби аъзои фаъоли ҳизб таъмир карда шуда, сохтмони даҳҳо синфхонаҳои иловагӣ барои муассисаҳои таълимии деҳаҳо идома дорад.
Ин матлабро раиси Кумитаи иҷроияи Ҳизби Халқии Демократии Тоҷикистон дар вилояти Хатлон Қиёмиддин Миралиён зимни баргузории ҷамъомаде дар Қасри фарҳанги шаҳри Бохтар бо иштироки муовини Раиси Ҳизби Халқии Демократии Тоҷикистон Асрор Литифзода, Раиси вилояти Хатлон Қурбон Ҳакимзода ва раисони шаҳру ноҳияҳо иброз дошт.
Дар ин бора аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар» хабар доданд.
То 1 июни соли 2021 дар ҳудуди вилояти Хатлон бо ҷалби сокинон ва аъзои фаъоли ҳизб дар манзилҳои истиқоматӣ ва ҷойҳои ҷамъиятӣ беш аз 51 адад иншооти гигиенӣ бо усули заҳкаши намуди дренажӣ ба истифода дода шуданд. Ҳамчунин дар ҳудуди шаҳру ноҳияҳои вилоят беш аз 78 759 ҳазор ниҳол шинонида шуда, ба садҳо манзили истиқоматӣ қубури об васл гардид.
«Мояи сарфарозист, ки ба шарофати 30-солагии Истиқлоли давлатӣ аксари кумитаҳои иҷроияи ҳизбии вилояти Хатлон соҳиби биноҳои маъмурии ҳизбии 2-3- ошёна шуданд. Сохтмони аксари биноҳои маъмурии ҳизбӣ асосан аз ҳисоби соҳибкорону аъзои фаъоли ҳизб ба таври ҳашар амалӣ гардид. Метавон иброз намуд, ки дар вилоят тамоми шароити зарурӣ фароҳам гардида, фаъолияти идеологӣ тавъам бо тадбиқи ҳадафҳои олии стратегии давлатӣ ҳамарӯза рушд менамояд»,- изҳор дошт Қ. Миралиён.
Муовини Раиси Ҳизби Халқии Демократии Тоҷикистон Асрор Литифзода зикр намуд, ки ҲХДТ бо барномаҳои созандаи худ дар таҳкими рушди босуботи кишвар ва амалишавии стратегияҳои давлатӣ саҳми бориз дорад. «Имрӯз аъзои фаъоли ҳизб дар ҳошияи дастуру супоришҳои Раиси Ҳизби Халқии Демократии Тоҷикистон муҳтарам Эмомалӣ Раҳмон баҳри пешрафт ва зиндагии шоистаи мардум корҳои созандагию бунёдкориро пеша кардаанд. Бо баргузор намудани номгӯи зиёди аксияҳо аз ҷониби аъзои фаъоли ҳизб дар шаҳру ноҳияҳои мамлакат тозакориҳо баръало эҳсос мешаванд»,- гуфт А. Латифзода.
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Сарвари давлат Эмомалӣ Раҳмон пас аз анҷоми сафари корӣ дар шаҳру ноҳияҳои минтақаи Кӯлоби вилояти Хатлон ба шаҳри Душанбе баргаштанд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
